60 كۆچبه‌ر ل كه‌نارێن ئیتالیا خه‌ندقین 35 كوردن

بەلاڤ بکە

گاڤ

ژ ئه‌گه‌رێ نقۆمبوونا به‌له‌مه‌كا كۆچبه‌ران ل ئاڤێن ئیتالیا كو 70 كۆچبه‌ر لسه‌ر بوون و ژ تركیا ب رێ كه‌ڤتبوون 60 كۆچبه‌ر خه‌ندقین 35 ژێ كوردن یێن دى خه‌لكێ ئیران و ئه‌فغانسانێنه‌.

ل گۆره‌ى زانیاریێن به‌لاڤبووین، ل رۆژا دوشه‌مبا بۆرى، 70 كۆچبه‌ر ژ گزیرته‌یا بۆدروم ژ تركییا به‌ره‌ڤ یۆنانێ ب رێ كه‌ڤتینه‌، رۆژا دى كۆچبه‌ران لۆكه‌یشنێ خۆ بۆ كه‌سوكارێن خۆ به‌لاڤكرینه‌ كو ب سلامه‌تن لێ پشتى بۆ ئیتالیا ب رێ كه‌ڤتی چ ژێ نه‌هاته‌ زانین تا نقۆم بووى.

ل گۆره‌ى زانیاریێن به‌لاڤبووین پشتى ئه‌و به‌له‌م دگه‌هیته‌ ئاڤێن ئیتالیا نقۆم بوویه‌ و پۆلیسێن ئیتالیا ژ لایێ كه‌شتییه‌كا فره‌نسى ڤه‌ هاتینه‌ ئاگه‌هداكرن، تا پۆلیس گه‌هشتینه‌ جهێ بوویه‌رێ، 60 كه‌سان گیانێ خۆ ژ ده‌ستدابوو، 35 كوردن لێ هێشتا نه‌هاتییه‌ زانین یێن كیژ پارچه‌یا كوردستانێنه‌، یێن دى ژى خه‌لكێ ئه‌فغانسان و ئیرانێنه، 10 كۆچبه‌ر ژى هاتینه‌ رزگاركرن و بۆ نه‌خۆشخانه‌یێن ئیتالیا هاتینه‌ ڤه‌گوهاستن‌.

زێدەتر دەربارەی