ئه‌گه‌ر به‌رده‌وام تیرۆشكێن رۆژێ ل مرۆڤى بده‌ن دبیته‌ ئه‌گه‌رێ په‌نجه‌شێرێ

بەلاڤ بکە

گاڤ

تیرۆشكێن دژوار یێن رۆژا هاڤینێ ب تایبه‌ت بۆ سه‌قایه‌كێ وه‌ك ئیراقێ زیانێن مه‌زن ب پیستى د گه‌هینن و د 24 ده‌مژمێران دا پشتى تیرۆشك ل مرۆڤى دده‌ن ره‌نگێ پیستى د گوهۆڕیت و ئه‌گه‌ر ب به‌رده‌وامى ل مرۆڤى بده‌ن دبیته‌ ئه‌گه‌رێ دورستبوونا په‌نجه‌شێرێ.

بسپۆرێن پیستى دوپات دكه‌ن، ئه‌گه‌ر به‌رده‌وام تیرۆشێكن رۆژا دژوار ل مرۆڤى بده‌ن دبیته‌ ئه‌گه‌ر پیست ره‌نگێ خۆ ب گوهۆڕیت و د 24 ده‌مژمێران دا زیان ل سه‌ر پیستى دیاردبن و پشتى 72 ده‌مژمێران ژى پیست ب ته‌مامى ره‌نگێ خۆ د گوهۆڕیت، ئه‌ڤه‌ ژ مرۆڤه‌كى بۆ ئێكى دى جودایه‌، لێ كارتێكرنا لێدانا تیرۆشكا رۆژێ بۆ مرۆڤى وه‌كى ئێكه‌.

بسپۆر هۆشداریێ ژ دورستبوونا په‌نجه‌شێرێ دده‌ن و دبێژن: ئه‌گه‌ر ب به‌رده‌وامى تیرۆشكێن رۆژێ مرۆڤى بده‌ن دبیته‌ ئه‌گه‌رێ دورستبوونا په‌نجه‌شێرێ.

هنده‌ك رێنما بۆ خۆپاراستن ژ تیرۆشكێن رۆژێ

  • باشتره‌ ده‌ما مرۆڤ دچیته‌ به‌ر تاڤێ كرێم و مه‌لحه‌مێن تایبه‌ت ب راسپاردا نۆشداران بكاربینیت.
  • بكارئینانا جلكێن درێژ و ره‌نگێن ڤه‌كرى و كون كون بۆ وێ یه‌كێ بایى ب پیستى ب كه‌ڤیت و رۆژ كارتێكرنێ ل له‌شى نه‌كه‌ت.
  • هه‌ر ده‌ما رۆژێ له‌ش گرت باشتره‌ سه‌را نۆشدارێن تایبه‌تمه‌ند بده‌یى.

ل هه‌رێما كوردستانێ و ئیراقێ ل گۆڕه‌یى سه‌قاناسیێ ئه‌ڤ ساله‌ پله‌یێن گه‌رمێ دێ بلند بن و ئه‌ڤ یه‌ك رامانا هندێ دده‌ت تیرۆشكێن رۆژێ ژى دژوار بن و باشتره‌ مرۆڤ خۆ ب پارێزیت ب تایبه‌ت ژى ژ ده‌مژێر 12ى نیڤرۆ تا 4ى ئێڤارى تیرۆشك دژوار دبن و دێ زیانێ ب له‌شێ مرۆڤى گه‌هینن.

زێدەتر دەربارەی