4 ملیۆن پەنابەرێن ئیراقی ل جیهانێ هەنە

بەلاڤ بکە

 

گاڤ
سەنتەرێ ستراتیجی بۆ مافێن مرۆڤی ئەڤرۆ دیارکر، چار ملیۆن پەنابەرێن عێراقی ل جیهانێ هەنە کو پرانییا وان ل ئەمریکا و ئەلمانیا و بریتانیا و پشکەکا دی یا وەلاتێن ئەورۆپی و ئەرەبی دژین.

فازل غەراوی سەرۆکێ سەنتەرێ ستراتیجی بۆ مافێن مرۆڤی ئەڤرۆ کو هەڤدەم رۆژا جیهانی یا پەنابەرانە د بەیانەکێ دا راگەهاند، لدویف داتایێن وان 4 ملیۆن پەنابەرێن عێراقی ل جیهانێ هەنە و ئاشکرا کر: پرانییا وان ل ئەمریکا، ئەلمانیا، بریتانیا،پشکەکا دی یا وەلاتێن ئەورۆپی و ئەرەبی دئاکنجی نە.

دازانین ژی، دناڤبەرا سالێن 2015ێ بۆ 2023ێ، 757 هزار و 323 پەنابەرێن بن 18 سالییێ دا داخازا مافێ پەنابەریێ ل وەلاتێن ئەۆرۆپی کریە.

غەراوی داخواز ژ حکومەتا ئیراقێ کر هەموو رێکارێن ڤەگەریانی بۆ ڤەگەراندنا ئەوان پەنابەران بگرنە بەر و بزاڤێن خو یێن دپلۆماسی ژی پتر بکەن، ژ بۆ هاریکاریکرنا پەنابەرێن ئیراقی ئەوێن ل وان وەلاتان دژین و خواست ئیراق بچتیە ناڤا رێککەفتنا پەنابەران یا سالا 1951ێ.
 

زێدەتر دەربارەی