گاڤ

وەزارەتا داد یا ئیراقێ رەتکر د جەژنێ دا حوکمێ سێدارەدانێ بجهئینابیت و راگەهاند مافێ وانە سکالایێ لسەر وان مالپەر و دەزگەهان تۆماربکەن یێن ئەڤ دەنگۆ و زانیاریێن نە راست بەلاڤکرین.

وەزارەتا داد یا ئیراقێ ئەڤرۆ د بەیانەکێ دا دەنگۆیێ بجهئینانا حوکمێ سێدارەدانێ د جەژنێ دا رەتکر و ئاماژە دا: ئەو زانیارییێن هندەک ژ دەزگەهـ و مالپەرێن نە فەرمی بەلاڤکرین و دیرن ژ راستییێ و ئارمانجا وان تێکدانا هزرا رایا گشتی یە.

وەزارەتا داد دۆپاتکر: ژبەر بەلاڤکرنا وان زنیارییێن نەراست مافێ وانە سکالایێ ل سەر وان مالپەر ودەزگەهان تۆماربکەن ژبەر کو ئەڤان جورە زانیارییێن نەراست کارتێکرنێ لسەر ئاسایش و سەقامگیرییێ هەیە و وەزارەتا داد یا پێگیرە ژ بجهئینانا ستاندارتێن نێڤدەولەتی یێن مافێن مرۆڤی یێن تایبەت ب جهئینانا حوکمێ سێدارەدانێ.

ئەڤ کارڤەدانا وەزارەتا داد یا ئیراقی ل دەمەکی هات، هندەک ژ مالپەر ومیدیایێن ئیراقی لیستەکا ناڤان بەلاڤکربوو و هوسا دابو دیار کرن کو د رۆژا چارێ یا جەژنا قوربانی دا ل گرتیگەهەکا باژارێ ناسرییە هاتینە سێدارەدان.