گاڤ

د رویدانەکا دی یا فێلبازی و برنا پارەیێ خەلکی، ل پارێزگەها نەینەوا نوشدارەکی 20 ملیار دینارێن وەلاتییان برینە و تا نوکە نەهاتییە گرتن.

ل پارێزگەها نەینەوا، نوشدارەکی وەسا بۆ خەلکی دیارکرییە کو ئەو وەبەرهێنەرە و ب وێ رێکێ پارە ژ خەلکی وەرگرتینە، تا بابەت ئاشکرابووی، وی نوشداری ب فێلبازی 20 ملیار دینارێن ئیراقی ژ وەلاتییان وەرگرتینە و خۆ بەرزەکرییە.

ل گۆرەی مەدیایێن ئیراقی، ئەو نوشدار نوکە یێ بەرزەیە و وەلاتییێن فێل لێ هاتییە کرن، دخوازن بهێتە گرتن بەری برەڤیتە ژ دەرڤەی وەلاتی.

دەم بۆ دەمی ل هەرێما کوردستانێ و ئیراقێ کەسێن فێلباز ب رێکێن جودا پارەیان ژ خەلکی وەردگرن و درەڤن، هەرچەندە هندەک ژ وان دهێنە گرتن ژی، لێ پتریا جاران پارەیێ وەلاتییان دهێتە خوارن و ڤەناگەڕیت.