مالا ئەحمەدی نەجات کەفتە بن چاڤدێرییێ

بەلاڤ بکە

گاڤ

هێزێن ئێمناهییێ یێن دەولەتا ئیرانێ مالا سەرۆکێ بەرێ یێ وی وەلاتی و هاتنوچوونێن وی خستینە بن چاڤدێرییێ و نوکە ئەو نەشێت ب ئازادی دەربکەڤیت.

ئاژانسا ئیران ئینتەرنەشنال ئەڤرۆ راگەهاند: هێزێن ئێمناهییێ یێن ئیرانێ مالا مەحموود ئەحمەدی نەجات، سەرۆکێ بەرێ یێ ئیرانێ خستییە بن چاڤدێرییێ و هەر دەما ئەو ژ مال دەربکەڤیت، دێ ل بن چاڤدێرییا هێزێن ئێمناهییێ بیت.

هەرچەندە مەحموود ئەحمەدی نەجات و 79 کەسێن دی خۆ بۆ هەلبژارتنێن سەرۆکاتییا ئیرانێ کو ل 28ی ڤێ مەهێ نە، بەربژارکربوو، لێ لژنەیا دەستووری یا وی وەلاتی بتنێ 6 بەربژار پەسەندکرن و ئەحمەدی نەجات د ناڤ وان بەربژاران دا نینە.

مەحموود ئەحمەدی نەجات ژ سالا 2005ێ تا سالا 2013ێ سەرۆکێ ئیرانێ بوو، لێ ژبەر کو ب رەنگەکێ ئاشکرا دژاتییا ئایەتوللا عەلی خامەنەیی، رابەرێ کۆمارا ئیسلامی کربوو و دخواست دەستهەلاتێن وی بهێنە سنۆردارکرن، رێ ب وی نەهاتە دان ل سالێن 2017، 2021 و 2024ێ خۆ بۆ سەرۆکاتییا ئیرانێ بەربژار بکەتە ڤە.

 

زێدەتر دەربارەی