ترس هەیە ئسرائیل هێرشێن ل سەر لبنانێ دژوار بکەت

بەلاڤ بکە

گاڤ 
رەوش د ناڤبەرا ئسرائیل و لبنانێ دا دژوار دبیت، نەتەوەیێن ئێکگرتی هوشدارییان ددەت و کوێت داخوازییەکێ ژ وەلاتییێن خۆ دکەت.
ئسرائیل بەردەوامییێ ددەتە گەفێن هێرشکرنا باشۆرێ لبنانێ و حزبوللایا لبنانی ژی دەستان ل بەرانبەر گەفێن ئسرائیلێ داناهێلیت، لەورا ترس هەیە ژبەر زێدەبوونا هێرشێن ئسرائیلێ ل سەر باشۆرێ لبنانێ، بەرەیەکێ دی یێ شەڕی ل دەڤەرێ بەرفرەهـ ببیت و سکرتێرێ گشتی یێ نەتەوەیێن ئێکگرتی هوشدارییان ددەت و دبێژیت: نابیت شەڕ بەرفرەهـ ببیت.
ژ ئالییێ خۆ ڤە، ئەنتۆنی بلێنکن، وەزیرێ دەرڤە یێ ئەمریکا داخواز ژ ئسرائیلێ دکەت: چ بەرۆکێن دی یێن شەڕی ڤەنەکەت.
ل گەل ئالۆزبوونا زێدەتر یا رەوشا د ناڤبەرا ئسرائیل و لبنانێ دا، کوێتێ داخواز ژ وەلاتییێن خۆ کر ب زویترین دەم لبنانێ بجهـ بهێلن و هەر کوێتییەکێ رێیێن دەرکەفتنێ ژ وی وەلاتی نەبن، ئێکسەر پەیوەندییێ ب بالیۆزخانەیا کوێتێ ل بەیرۆتێ بکەت.
 

زێدەتر دەربارەی