ئابۆرناسەک: بودجەیا کارەبێ ل ئیراقێ هندی یا وەلاتەکی یە
بەلاڤ بکە
گاڤ
ئابۆرناسهكێ ئیراقى دیاركر: بودجهیا تهرخانكری بۆ كارهبێ ل ئیراقێ، هندى بودجهیا دهولهتهكێ یه مینا ئۆردنێ و سێ جاران هنی بودجهیا سووریا یه، لێ كارهب نه یا سهقامگیره و خهلكى كارهب نینه.
دهمێ چهندین سالاییه ل وهرزێ هاڤینێ، خهلكێ ئیراقێ گازندهییان ژ نهبوونا كارهبا نشتیمانى دكهن، ئهفه د دهمهكیدایه بودجهیهكا گهلهك مهزن بۆ كهرتێ كارهبێ هاتیه تهرخانكرن.
نهبیل مهرسوومى، ئابۆرناسێ ئیراقى لسهر تۆرا فهیسبۆكێ راگههاندییه، بودجهیا كهرتێ كارهبێ ل سالا 2024 ل ئیراقێ بۆ18.77 ترلیۆن دینارا بلندبوییه، د دهمهكى دا دبودجهیا 2023 دا كۆژمێ 15.5 ترلیۆن دینار بۆ ڤى كهرتى هاتبوو تهرخانكرن، ب ڤێ چهندێ دیاردبیت د ماوهیێ سالهكێ دا، خهرجیا كهرتێ كارهبێ 21% و ب 3 ترلیۆن و 277 ملیار دینارا بلندبوویه.
ناڤبرى دایه دیاركرن ژى پشتى نهفتێ، بودجهیا كارهبێ ب مهزنترین سێكتهر دهێت د بودجهیا ئیراقێ دا، ژ پارهیێن هاتینه تهرخانكرن، كۆژمێ 7 ترلیۆن و 811 ملیار دینار بۆ خهرجیا وهبهرهێنانێ ل كهرتێ كارهبێ و 10 ترلیۆن و 965 ملیار دینار بۆ خهرجیێن ب كارخستنێ دههمان كهرت دا.
نهبیل مهرسوومى ئهف چهنده ئى ئاشكهراكر دبودجهیا سالا 2024 ب دۆلارى، دبیته 14 ملیار و 443 ملیۆن دۆلار، ئهفه ژى یهكسانه ب بودجهیا وهلاتهكى مینا ئۆردنێ و سێ جارا هندى بودجهیا گشتیا سووریاییه كۆ بودجهیا وى وهلاتى زێدهتر نینه ژ 4.1 ملیار دۆلارا، لێ هێشتا ئیراق خۆدان كارهبایهكا ب رێك وپێك و سهقامگیر نینه.
