ژبەر کێمبوونا کارەبا گشتی سوودانی و وەزیرێ کارەبێ بۆ پەرلەمانی هاتنە داخوازکرن
06/22/2024 - 17:49
گاڤ
رەوشا کارەبا گشتی ل گەل بلندبوونا پلەیێن گەرمێ ل ئیراقێ تێکچوویە و سەرۆکوەزیرێ ئیراقێ و وەزیرێ کارەبێ دێ چنە پەرلەمانی.
ئبتسام هیلالی، پەرلەمانتارا چارچووڤەیێ هەماهەنگییێ بۆ گاڤ گۆت: ل گەل بلندبوونا پلەیێن گەرمێ بۆ پتری 50 پلەیان ل ئیراقێ، کارەبا گشتی ل ئیراقێ بۆ 6 تا 10 دەمژمێران د رۆژێ دا کێمبوویە، حکومەتا فیدرالی ئەگەرێ سەرەکی یێ ڤێ رەوشێ یە.
هەرەوەسا گۆت: بودجەیەکا مەزن بۆ کەرتێ کارەبێ دهێتە خەرجکرن، لێ رەوشا کارەبێ بەرەڤ خراببوونێ دچیت، ژ بەر ڤێ یەکێ، هەر ئێک ژ محەمەد شیاع سوودانی و زیاد عەلی فازل، وەزیرێ کارەبێ بۆ پەرلەمانێ هاتینە داخوازکرن.
هەروەسا گۆت: ل دویماهیا ڤێ حەفتییێ دێ کۆمبوونەکا بلەز هێتەکرن.