رێڤه‌به‌رێ حه‌ج و عومرێ ل وه‌زاره‌تا ئه‌وقافا هه‌رێمێ بۆ گاڤ راگه‌هاند، ئه‌ڤرۆ دێ 1700 حه‌جى گه‌هنه‌ هه‌رێمێ و سباهى  ژى دێ كاروانه‌كێ دێ ب رێكا فرۆكه‌خانه‌یا هه‌ولێرێ و سلێمانیێ گه‌هیت.
كاروان ستۆنى رێڤه‌به‌رێ حه‌ج و عۆمرێ ل وه‌زاره‌تا ئه‌وقاف و كاروبارێن ئایینى یا حكومه‌تا هه‌رێما كوردستانێ بۆ گاڤ گۆت: د ئه‌ڤ ساله‌دا 4 هزار و 685 وه‌لاتیێن هه‌رێمێ بۆ ئه‌داكرنا فه‌ریزه‌ییا حه‌جێ سه‌ره‌دانا عه‌ره‌بستانا سعوودیێ كرینه‌‌، تا نها‌ 25 حه‌جییان گیانێ خۆ ژ ده‌ست داینه‌ كو 24 ژ وان ب رێكا ڤیزه‌یا عومرێ یا سالانه‌ قه‌ستا سعودیێ كربوون كه‌سێن بێ سه‌روشوین و ده‌سته‌سه‌ركرى ژى كو هژمارا وان 19 كه‌سن هه‌ر ب رێكێن نه‌ یاسایی چوو بوون.
رێڤه‌به‌رێ حه‌ج و عومره‌یا هه‌رێمێ خویاكر، كه‌سێن ب رێكێن نه‌فه‌رمى قه‌ستا مه‌كه‌هێ كرین‌ 25 تا 30 وه‌ره‌قێن دۆلارى به‌س بۆ گه‌هشتنا سعوودیێ داینه‌ ل وێرێ ژى تووشى گه‌له‌ك ئاسته‌نگان بووینه‌ و بێ خزمه‌تگوزارى ماینه‌ كو ئه‌ڤه‌ ئه‌گه‌ره‌كێ سه‌ره‌كییێ گییان ژ ده‌ستدانا به‌رزه‌بوونا وێ هژمارا حه‌جیێن هه‌رێمێ یه‌.
ستوونى دا زانین ژى، هه‌ر كۆمپانى یان كه‌سه‌كێ حه‌جى ب رێكێن نه‌ یاسایی برینه‌ سعوودیێ، دێ هێنه‌ ده‌ستنیشانكرن و مۆله‌تا كاركرنێ ل هه‌رێمێ و ئیراقێ ژێ هێته‌ ستاندن و هه‌ر پێرابوونه‌كا ژ وان بگریت دێ ژێ هێته‌ وه‌رگرتن.