ژێده‌ره‌ك ژ وه‌زاره‌تا دارایى بۆ گاڤ: لیستا مووچه‌یان دێ بۆ به‌غدایێ هێته هنارتن
بەلاڤ بکە
گاڤ – تایبه‌ت
ژێده‌ره‌كى ژ وه‌زاره‌تا دارایى و ئابۆرى یا حكومه‌تا هه‌رێما كوردستانێ بۆ گاڤ راگه‌هاند، لیستا مووچه‌یان دێ بۆ به‌غدایێ هێته ره‌وانه‌كرن.
ژێده‌ره‌كى ژ وه‌زاره‌تا دارایى و ئابۆرى یا حكومه‌تا هه‌رێما كوردستانێ بۆ گاڤ گۆت: دهێته چاڤه‌ڕێكرن ڤێ حه‌فتیێ لیستا مووچه‌یێن مه‌ها شه‌ش بۆ به‌غدایێ بهێته هنارتن و ل گه‌ل ته‌مامكرنا هویربینیێ كو ده‌مه‌كێ كورت ڤه‌دكێشیت، مووچه‌یێن فه‌رمانبه‌رێن هه‌رێما كوردستانێ دێ هێنه ره‌وانه‌كرن.
ل گۆڕه‌یى رێككه‌فتنێن د ناڤبه‌را حكومه‌تێن ئیراق و هه‌رێما كوردستانێ دا، پشتى راده‌ستكرنا 50%ێ ژداهاتێ ناڤخۆ یێ هه‌رێمێ، به‌غدا دێ مووچه‌یێ فه‌رمانبه‌ران هنێریت.
دو مه‌هێن بۆرى كێشه د هنارتنا مووچه‌یێن هێزێن ئێمناهیێ دا هه‌بوو، لێ ل گۆڕه‌یى زانیارییان ئه‌و كێشه ژى به‌ر ب چاره‌بوونێ چووینه، پشتى بودجه‌یا ئیراقێ هاتیه په‌سه‌ندكرن.
