گاڤ – تایبه‌ت

په‌یڤدارا كۆمسیۆنا هه‌لبژارتنان بۆ گاڤ راگه‌هاند، ئه‌ڤرۆ ده‌ما تۆماركرنا پارت و هه‌ڤپه‌یمانییان بۆ هه‌لبژارتنێن په‌ڕله‌مانێ كوردستانێ ب دوماهى دهێت.

جومانه‌ گلایى، په‌یڤدارا كۆمسیۆنا هه‌لبژارتنێن ئیراقێ بۆ گاڤ گۆت: ئه‌ڤرۆ ده‌ما تۆماركرنا هه‌ڤپه‌یمانى و پارت و به‌ربژارێن پێكهاتێن كوردستانێ دێ ب دوماهى هێت، دیاركر ژى تا نوكه‌ 22 ئالیێن سیاسى، دو هه‌ڤپه‌یمانى و 72 به‌ربژار ل كۆمسیۆنێ هاتینه‌ تۆماكرن.

هه‌روه‌سا ئاشكراكر، دو پارتان ژى كو ئێك ژ وان پارتى دیمۆكراتى كوردستانه‌ به‌رهه‌ڤییا پشكداریێ و نیازا خۆ بۆ هه‌لبژارتنان دیاركریه‌، لێ هێشتا خۆ تۆمار نه‌كرینه‌ و به‌ربژارێن خۆ پێشكێش نه‌كرینه‌.

دهێته‌ چاڤه‌ڕێكرن ل ده‌مه‌كێ نێزیك سه‌رۆكایه‌تییا هه‌رێما كوردستانێ ژڤانه‌كى بۆ هه‌لبژارتنێن په‌ڕله‌مانێ كوردستانێ دیار بكه‌ت، كو كۆمسیۆنێ به‌رهه‌ڤی و ئامادده‌ییا خۆ دیاركریه‌.