گاڤ

کۆمسیۆنا هەلبژارتنێن ئیراقێ دەمێ تۆمارکرنا لیست و بەربژاران بۆ پەڕلەمانێ کوردستانێ تا دویماهییا ڤێ حەفتییێ درێژکر.

جۆمانە گلای، پەیڤدارا کۆمسیۆنا هەلبژارتنێن ئیراقێ بۆ گاڤ گۆت: هەرچەندە ئەڤرۆ دەمێ تۆمارکرنا لیست و بەربژاران بۆ پەرلەمانێ کوردستانێ ب دویماهی دهات، لێ بریار هاتییە دان ئەو دەم بهێتە درێژکرن.

جۆمانە هەروەسا دبێژیت: تا رۆژا پێنجشەمبییا بهێت 27-6-2024ێ تۆمارکرنا ناڤان دێ بەردەوام بیت و ئەو نوکە نزانن جارەکا دی دێ دەم هێتە درێژکرن ڤە یان نە.

تا ئەڤرۆ، 856 کەسان ل هەرێما کوردستانێ خۆ بۆ پەرلەمانێ کوردستانێ بەربژار کرییە و ل پارێزگەها دهۆکێ ژی، 2 هەڤپەیمانی، 9 پارتییێن سیاسی، 17 بەربژارێن سەربەخۆ و 4 بەربژارێن کۆتایان خۆ ب فەرمی تۆمارکرییە.