سوبه‌هى دێ هه‌لبژارتنێن ئورگانێن پارتیا دیمۆكراتا كوردستانێ ل سنورێ لق و مه‌كته‌بێن رێكخستنێن پارێزگه‌هان یێن وێ حزبێ هێنه‌ كرن، بۆ ماوه‌یێ هه‌فتییه‌كێ دێ ڤه‌كێشن و ده‌سته‌یه‌ك دێ چاڤدێرییا وان كه‌ت، چاڤه‌رێ یه‌ د هه‌لبژارتنان دا گوهه‌رتنێن به‌رچاڤ بهێنه‌ كرن. 
په‌یڤدارێ پارتى دیمۆكارتى كوردستان مه‌حموود محه‌مه‌د دا زانین،  هه‌لبژارتن یان كۆنفرانسێن ناڤخۆ یێن پارتى، د كۆنگره‌یێ 14 دا ل دهۆكێ بڕیار لسه‌ر هاتبوو دان. گۆت ژى هه‌لبژارتن دئێك ده‌مدا ل 17 لقێن  پارتى و مه‌كته‌بێن رێكخستنێن پارێزگه‌هان دێ ده‌ست پێكه‌ن. 
ژ ئالیێ خۆڤه‌ ئه‌ندامێ لژنه‌یه‌كا سه‌رپه‌رشتا هه‌لبژارتنان بۆ گاڤ دا زانین، رۆژانه‌ هه‌لبژارتن دێ ژ ده‌مژمێر 9 ى سپێدێ بۆ 6ى ئێڤارى هێنه‌كرن، لژنه‌یێن سه‌رپه‌شتیكرنا هه‌لبژارتنان كادرێن وان ناوچه‌یان نینن یێن هه‌لبژارتن لێ دهێنه‌ كرن، گۆت ژى، ده‌لڤیه‌یا به‌رتیلدان و كرینا ده‌نگان و گڤاشتنان ب ئێكجارى نینه‌، هه‌ر ئه‌ندامه‌كێ پارتى ژى ماف هه‌یه‌ خۆ به‌ربژار بكه‌ت.