سیاسه‌تمه‌دار و ئه‌ندامێ خولا ئێكێ یا په‌ڕله‌مانێ ئیراقێ عه‌بدوللا سالح ل دۆر پێشهاتێن نوى یێن رۆژهه‌لاتا ناڤین و ئه‌گه‌ر شه‌ڕێ ئسرائیلێ و حزب الله رویدا، بۆ گاڤ گۆت: شه‌ڕێ هه‌والگرى و راگه‌هاندنێ ده‌ستپێكریه‌ و ئه‌گه‌ر  شه‌رێ ئێكسه‌ر ده‌ستپێبكه‌ت، دێ شه‌ڕه‌كێ ڤه‌كرى بیت و ره‌وشا ده‌ڤه‌رێ هه‌مییێ تێكچیت. 
عه‌بدوللا سالح ل دۆر كاریگه‌رییا وى شه‌ڕى لسه‌ر ئیراقێ ژى دیاركر، ئیراق دێ كه‌ڤته‌ ره‌وشه‌كا گه‌له‌ك موحرج دا د ناڤبه‌را ئه‌مریكا و ئیرانێ دا، لێ نه‌چاره‌ بێلایه‌ن بمینیت، هژماره‌كا گرۆپێن ئیراقێ یێن نه‌ فه‌رمى دێ ب وى رۆلى رابن یێن ئیرانێ دڤێت.
ل دۆر هه‌لوه‌ستێ هه‌رێما كوردستانێ ژى، وى سیاسه‌تمه‌دارێ كورد گۆت: ئه‌گه‌ر شه‌رێ ئسرائیلێ و حزب الله رویدا هه‌ر چه‌نده‌ ئه‌و دویر دبینیت، نابیت چ ئالێێن هه‌رێمێ ب سه‌رگه‌مى هه‌لویستان وه‌رگرن و ببنه‌ پشته‌ڤان بۆ ئالییه‌كى، دڤێت هه‌رێم بێلایه‌نیا خۆ بپارێزیت