گاڤ

ئەڤرۆ خشتەیێن یارییێن کیشوەرێ ئاسیا بۆ ڤاڤارتنێن جاما جیهانی هاتنە راگەهاندن و ئیراق د گرۆپەکێ تا راددەیەکی بهێز دایە.

ل گۆرەی خشتەیێ گرۆپێن یارییێن هەلبژارتییێن کیشوەرێ ئاسیا بۆ ڤاڤارتنێن جاما جیهانی یا سالا 2026ێ، ئیراق د گرۆپێ دویێ دایە کو هەر ئێک ژ کۆریا باشۆر، ئوردن، عومان، فەلەستین، و کوێت د وی گرۆپی دانە.

ئیران، قەتەر، ئوزبەکستان، ئیمارات، کیرگیزستان، و کۆریا باکۆر د گرۆپێ ئێکێ دانە و ژاپۆن، ئوسترالیا، ئەرەبستانا سعوودییێ، بەحرەین، چین، و ئیندۆنیزیا د گرۆپێ سێیێ دانە.

د ڤان گرۆپان دا، ئەو هەلبژارتییێن ل رێزا ئێکێ و دویێ دهێن، ئێکسەر دێ پشکداری جاما جیهانی بن و هەلبژارتییێن ل رێزا سێیێ و چارێ دهێن، دێ ل سەر دو گرۆپێن دی هێنە دابەشکرن و هەلبژارتییێن د وان گرۆپان دا ل رێزا ئێکێ دهێن، دێ پشکدارییێ د جاما جیهانی دا کەن.