گاڤ

رۆبۆتەکی ل کۆریا باشوور دویماهی ب ژیانا خۆ ئینا و سازیێن حکومەتێ دویڤچوونا ئەگەران دکەن.

ژێدەرێن نووچەیان یێن کۆریا باشوور راگەهاندینە، ژبەرکو پتر ژ 20 دەمژمێرێن بێ راوەستییان کار ب وى رۆپۆتى دهاته‌كرن ئەو رۆبۆتە دچیتە سەر دەرەجکان و خۆ دهاڤیتە خارێ و ب تەمامی ژکار کەفتیە.

هەڤدەم شارەزایێن تەکنەلۆژیایێ داینه‌ زانین، ئەگەر ئەوی رۆبۆتی ب ژیرییا خۆ و ب مەبەست ئەڤ کارە کربیت ئەڤە دێ بیتە پێشهاتەکا نوی د بیاڤێ بەرهەمئینانا رۆبۆتان و ژیرییا دەستکرد ب گشتی دا، لێ دبیت ئەڤی رۆبۆتی گەلەک دەمژمێران بێ راوەستیان کارکربیت و ژبەر ئەڤێ چەندێ ژی ئامیرێن وی ژکار کەفتبن هەر وەکو هەر ئامێره‌كى یان کەلوپەلەکێ دی ب تایبەتی یێن کارەبایی دەما گەلەک کار پێ دهێته‌کرن ژکار دکەڤن .

ئەڤە د دەمەکیدایە، شارەزا و بەرهەمهێنەرێن رۆبۆتان داینە دیارکرن، کو رەنگە د 10 تا 15 سالێن بهێت دا  شیانێن بیردانکا رۆبۆتان تا رادەیەکێ مەزن و بهێزببن لێ هەر نابنە وەکی مرۆڤان ب تایبەتی هەست شیانێن وان یێن له‌شى.