ڤەکۆلینەک ئەگەرێن سەرەکی یێن مرنا وەلاتییێن ئیراقى ئاشكرا دكه‌ت

بەلاڤ بکە

گاڤ

ڤەکۆلینەک ل سه‌ر وان داتا و ئامارێن فەرمی یێن حکومەتێ به‌لاڤكرین هاتیه‌كرن، 10 ئەگەرێن سەرەکی یێن مرنا وەلاتییێن ئیراقێ ئاشكرا دكه‌ت.

ڤەکۆلینێ دیار کریە: ئیراق سالانە نێزیکی ملیۆن ژ دایکبوویێن نوی تۆماردکەت، د بەرامبەر ژی دا پتر ژ 200 هزار كه‌سان وه‌غه‌ر دكه‌ن، ژ ئەگەرێن نه‌خۆشییێن جودا و ژوانان ژی 10 نەخۆشی ب رێژەیا 65٪ یا  ئەگەرێن مرنا وەلاتیان پێک دئینیت.

ڤەکۆلینێ ئاماژە دایە ئەوێ چەندێ ژی، نەخۆشیێن دلی ئه‌گه‌رێ مرنا %11 یا سالانەیە،  بلندبوونا فشارا خوینێ %9 ، جەلتەیێن مێشکی ب رێژەیا %9 و هەر وەسا هندەک ئێشێن دی کو دبنە ئەگەرێ راوەستاندنا دلی ئه‌و ژى ب رێژه‌یا %9.

دیسا %7 ژ ئەگەرێ ژکارکەفتنا گولچیسکایە %8  ژی ژ ئەگەرێن نەخۆشیێن ژنشکەکێ ڤە یە، %4 ژ ئەگەرێن پەیدابوونا ڤایرۆس و میکرۆبانە و یا دویماهیکێ ژی %2  ژ ئەگەرێ گرێکا یە د ناڤ دل و هناڤان دا یانژی جهێن دی یێن لەشێ مرۆڤان.

هەڤدەم ئامارێن وەزارەتا ساخلەمییا ئیراقێ سەبارەت توشبوونا ب نەخۆشییا پەنجەشێرێ دیاردکەن، ژ هەر 100 هزار کەسان سالانە 80 کەس تووشی پەنجەشێرێ دبن و ئەڤ رێژەیە ژی لگۆره‌ی وەزارەتا ساخلەمیا ئیراقێ د چوارچۆڤەیێ ستانداردێن جیهانی دایە.

زێدەتر دەربارەی