گاڤ

رۆژنامەیا "زە ئەتلەتیک"یا بەریتانی راگەهاند، د یاریا رۆژا ئێکشەمبیێ دا یا د ناڤبەرا هەلبژارتییێ ئەرژەنتینێ بەرامبەر هەلبژارتییێ پیرۆ کو د چوارچۆڤەیێ جاما کوپا ئەمریکا یا 2024ێ دا دێ برێڤە چیت ستێرا ئەرژەنتینی و کاپتنێ هەلبژارتییێ وی وەلاتی یاریێ ناکەت.

رۆژنامەیێ دایەزانین ژی، پشکنینێن نۆشداری بۆ مێسی هاتینە کرن و دیاربویە کو ژبەر هنگاڤتنا ماسولکەکێ ژ رانێ وی کو د یاریا د ناڤبەرا ئەرژەنتینێ و چیلی دا تووشی هنگاڤتنێ بوویه‌.

راهێنەرێ ئەرژەنتینێ "لیۆنێل سکالۆنی" دەربارەی هنگاڤتنا مێسی دبێژیت: "چ مەترسی لسەر وی یاریزانی نینن لێ باشترە بۆ یاریا بەرامبەر پیرۆ یاریێ نەکەت دا پتر بێهنا خۆ ژی ڤەدەت و بۆ یارییێن داهاتی یێن پتر چارەنڤیسساز یێ ئامادەبیت".