گاڤ
ل باژێرەکێ سۆیدی 29 پارچەیێن ئەردی داناینە بەر فرۆتنێ کو بۆهایێ هەر مەترەکا چارگۆشەیا یا وان پارچەیێن ئەردی ب تنێ کرۆنەکێ سۆیدی یە کو د بیتە نێزیکی نەهـ سەنتێن ئەمریکی
تۆرا مەدیایی یا سی ئێن ئێن یا ئەمریکی بەلاڤکریە، ناڤێ وی باژێری گۆتینی یە و دکەڤیتە باشۆرێ رۆژئاڤایێ ستۆکهۆلما پایتەختا سۆیدێ ب دووراتییا 200 میلان، دەستهەلاتدارێن وی باژێری ئەو 29 پارچە ئەردی ئیناینە بەر فرۆتنێ و بۆهایی هەر مەترەکا چارگۆشەیا وان ئەردان ب تنێ نەهـ سەنتێن ئەمریکی یە.
ل ئەوی باژارێ سۆیدی نێزیکی 13 هزار کەسان لێ دژین ئەو جهێن ئەو پارچەیێن ئەردی لێ هاتینە دیارکرن کو بهێنە فرۆتن وەکی گۆندەکی یە نێزیکی پێج هزار کەسان لێ دژین و د کەڤیتە نێزیکی دەریاچەیا فانرین کو مەزنترین دەریاچەیە نە ب تنێ ل سۆیدێ بەلکو ل ناڤا وەلاتێن ئەسکەندەنافی.
دەربارەی فرۆتنا وان پارچەیێن ئەردی ب ئەوی بۆهایی، دەستهەلاتدارێن وی باژارێ راگەهاند؛ کو ئەهەرێ سەرەکی کێمبوونا ئاکنجییێن گۆندانە ژ بەرکو ژمارا ئەوان کەسێن ل گۆندان دژین ل سۆیدێ بەر ب کێمبوونێ ڤە چوویە.