سهرهدانا بارزانى بۆ بهغدا و دیاركرنا سیمایێ ئێكلاكرنا بهردهوام
خێرى بۆزانى
شیرهتكار ل سهرۆكایهتییا ههرێما كوردستانێ
د نیشاندانهكا سیاسى یا ئیراقى یا دوباره و پڕى ههڤڕكى دا، حكومهتا ئیراقێ و پارتێن چارچۆڤێ ههماههنگیێ پێشوازیهكا نموونهیى ل سهرۆك مهسعوود بارزانى كرن، كو ئاماژه بوون بۆگوهۆرینێن تێبینكرى د پهیوهندیێن ناڤبهرا ههولێر و بهغدایێ دا پشتى چهندین ساێن ڤهقهتیانێ، ئهڤ سهرهدانه ل دهمهكى هات كو ئالۆزیێن ناڤبهرا حكومهتێن ئیراق و ههرێماكوردستانێ سهقایهكی خراب دانه، ژ وان كێشهیان ژى مووچه، قانوونا نهفت و گازێن راگرتنا هنارتنا پهترۆلا ههرێما كوردستانێ، ل دهمهكى كێشهیێن كهركووك و سنگال و دهڤهرێن كوردستانى یێن دهرڤهیى ئیدارهیا ههرێمێ ژى ههنه.
سهرهدانا سهرۆك بارزانى بۆ بهغدایێ ژ ئالیێ تهخا سیاسى یا دهستههلاتدار ڤه ب گرنگ هاته وهرگرتن، ههڤدهم سهرهدان ئاماژهیهك بوو بۆ گوهۆڕینهكا گرنگ د پهیوهندیێن ناڤبهرا ههرێما كوردستانێ و حكومهتا ناڤهندى دا، ئهڤ سههرهدانه ژ ڤالاهیێ نههاتییهن بهلكو ژ ئهجامێ هندهك دانوستاندنێن تهكنیكى و قانوونى ل دۆر بادهكێن ههستیا د ناڤبهرا ههر دو ئالییان دا هاتیه و پاشى بۆ لێكتێگههشتنێن هویر هاتییه گوهۆڕین و ل دوماهیێ دێ بۆ گوهۆڕینێن گشتگیر چیت.
بارزانى ب كهسایهتییا خۆ یا كارێزما و پڕۆژهیێ مهزن یێ ئێكلاكرنێ زێدهكر، ههروهسا باوهرى و سهنگهكا سیاسى یا مهزن پێ هاتهدان، ئهڤ گوهۆڕینه رهنگڤهدانێ بۆ نیازا ههر دو ئالییان ل سهر دهربازوون ژ قۆناغا ناكۆكیان بۆ قۆناغا لێكتێگههشتن و خزمهتكرنا گشتى و ههموویان دیار بوو، ههروهك سهرۆكوهزیرێن ئیراقێ، محهمهد شیاع سووهى سهرهدانا بارزانى ب گرنگ ناڤكرى، ههروهسا دیاركرى كو دانوستاندن ئاڤاكهر و ئارمانجدار بوون ل دۆر ناكۆكیێن ناڤخۆ و ههرێمى، ئهڤ یهكه رهنگڤهڤدانه بۆ حكوهتا ناڤهندى بۆ گرنگیدان ب ههرێما كوردستانێ ل دۆر دانسوتاندنێن نشتیمانى و ههرێمى و بۆ ئێكگرتنا ناڤخۆ ژى گرنگییهكا تایبهت ههیه.
د داخویانیێن خۆ دا سهرۆك مهسعوود بارانى دوپاتى ل گرنگی و رۆلێ سهرۆكوهزیرێ ئیراقێ كر بۆ دیاركرنا چارهیێن دروست د ناڤبهرا حكومهتێن ههرێم و ئیراقێ دا، ههروهسا پشتهڤانییا خۆ بۆ پێنگاڤێن حكومهتا ئیراقێ بۆ باشتركرنا پهیوهندییان ل گهل هرێما كوردستانێ و نیازا گههشتن ب چارهیێن بنگههین بۆ كێشهیێن ههلاوستى دیاركر، ئهڤ داخویانى رهنگڤهدانێن نهچاڤةڕێكیرى د ناڤبهرا سهركردایهتییا كوردى و حكومهتا ناڤهندى دا دئینیته پێش، ههروهسا بۆ ئێكلاكرنا كێشهیێن قانوونى و پهترۆل و گاز و مووچهیان ژى رێكێ ئاسان دكهن.
ژ ئالیێ خۆ ڤه ئهندامێ چارچۆڤێ ههماههنگیێ عائد هیلالى دیاركریه، كو سهرهدانا سهرۆك بارزانى بۆ بهغدیێ ههلگرا گهلهك چارهیان بوو، ههروهسا بوو ئهگهرێ باوهرییهكا مهزن كو پێشنیازێن خۆ بۆ چارهكرنا كێشهیان دیاربكهت، ئهڤه نهبتنێ سهرهدانهكا وهسا بوو، بهلكو ئهبعادێن ستراتیژى یێن ئارمانجگیر و ئێكلاكرنا كێشهیێن مهزن یێن ناڤبهرا ههر دو ئالییان بوو، ههروهسا بۆ ئارامییا سیاسى و ئابۆرى یا ئیراق و ههرێما كوردستانێ گهلهك گرنگ بوو.
د شیان دایه بێژین سهرهدانا سهرۆك مهسعوود بارزانى و كۆمبوونێن وى ل گهل سهركردهیێن دهولهتێ و چارچۆڤێ ههماههنگیێ و ئالیێن دى دێ بیته ئهگهرێ گهشهكرنێ د دیمهنێن سیاسهتا ئیراقێ دا، بهلكو دێ بیته دهلڤهیهك ژى بۆ ئارامییا سیاسى و ئابۆرى یا وهلاتى، ئهڤ سهرهدانه پێشڤهچوونهكا مهزن یا دانوستاندن و لێكتێگههشتنێ د ناڤبهرا سهركردهیێن سیاسى دا دبینیت و پێنگاڤهكا گرنگه بۆ چارهكرنا كێشهیێن ناڤبهرا ههولێر و حكومهتا ئیراقێ.
ب گشتى سهرهدانا سهرۆك بارزانى بۆ بهغدایێ خالا گوهۆڕینا ئاراستهیا پهیوهندیێن ناڤبهرا ههرێما كوردستانێ و حكومهتا ئیراقێ بوو، كو رهنگڤهدانهكا ههڤپشك بۆ چارهكرنا كێشهیێن ههلاویستى بوون ههروهسا بۆ ئارامییا سیاسى و ئابۆرێ ئیراق و ههرێما كوردستانێ بۆ دهمێن درێژ ژى گرنگییهكا دى ههبوویه.
كهسایهتییا بارزانى یا كارێزما و كاریگهر باوهرى و هێزهك دا لێكتێگههشتنێن ههتا نۆكه هاتینه كرن و شهرعیهتا ئیكلاكرنێ و سهنگا سیاسى زێدهتر پێ هاته دان، گههشتنا بارزنى بۆ بهغدایێ ههلگرا گهلهك چارهیان بوو، رهنگڤهدان ل سهر باوهرى و شیانان بۆ گههشتن ب ناڤبهینكارى و پێشكێشكرنا پێشنیازێن ههره باش بۆ چارهكرنا كێشهیێن سیاسى ههبوو، ههروهسا رۆلێ وى وهك ناڤبهینكار د دیمهنێن سیاسهتا ئیراقێ دا هاته دیتن.
سهرهدانا بارزانى و پێشوازییا ئهرێنى یا ئالیێن جودا ل بهغدایێ ژى دیمهنهكێ دى یێ باش بوو د سیاسهتا ئیراقێ دا و دیار بوو بارزانى وهك سهركرده دشێت پشكداریێ د بجهئینانا لێكتێگههشتێن گرنگ و باشتركرنا ئێكبوونا ناڤخۆ و ئارامیێ بكهت، ئهڤ سهرهدانه نهبتنێ خالا گوهۆڕینێ بوو د پهیوهندیێن ناڤبهرا ههرێما كوردستانێ و حكومهتا ئیراقێ دا، بهلكو پێنگاڤهك بوو بۆ ئاڤاكرنا پاشهرۆژهكا ئارام و گهش بۆ ئیراقێ ب گشتى.