ئەز رەوشەنبیرم ئەز لیبرالیمە ‎( ئەو گۆتنا گەلەک مەزن و خلولە)

بەلاڤ بکە

 

لوقمان ئاسیهى

هەما هو دەق و دەق ئەز دێ بێژم؛ عەفیە بۆ ئەوان جامێرێن کو ب ئاشکرا دبێژن ئەم نە لیبرالینە و ئەم نە دگەل ئەڤى ئیدیەمینە. ب راستى، ئەو جامێر هندى من گوهـ لێ بووى ل دویڤ گۆتنا خۆ بووینە و ل دویڤ ئەوان پرنسیپێن ئەوان باوەرى پێ هەی کارکرینە ب خۆ گەر سەد سەر ژى چۆبن کولاڤەکێ.

یێن لایێ دى، ئەڤێن ب شیعاراتان خۆ کرینە کەسێن لیبرال و عەلئەساس رەوشەنبیر، ژ بلى هندەک ئاخفتنێن قەلەو و هندەک گۆتنێن پەرتووکان و هندەک سوحبەتێن فەیلەسۆفان و ژ بلى ژ بەرکرن و ڤەجوینا هندەک ئیدەیەمان وەکو: فیمینیزم و مافێ ژنێ و جێندەر و ئازادیا رادەبڕینێ و دیمۆکراسى و مافێن مەدەنى و مەدەنیەت و علمانییەت و یەکسانى و نوزا چو و ژبلى هێرڤە و هۆڤە، وەکو جێبەجێکرن جامێران گەلەک ژ سەدێ، یان بەروڤاژى ئەوان گۆتنان بووینە یان تنێ وەک کراس کرینە بەر خۆ یان بۆ هندەک بەرژەوەندییێن خۆ یێن کەسوکى یان بۆ فەخفەخێ و خۆدیارکرنێ بکارئیناینە. ئەز ئەڤان گۆتنان ژ بنێ پێ خوە چێناکم و هەر کەسێ پیچەکێ نێزیکى ئەوان کەسان بیت یان نێزیکى وان بووى، یێن کو خۆ ب کەسێن لیبرال یان رەوشەنبیر ددەن یان داینە ناسکرن، ئەز باوەر دکم ب رێژەیەکا پڕ مەزن دێ ئەڤێ سوحەبتا من یا سەرى پەژرینت.

( وأنهم يقولون ما لا يفعلون)، کا کی ژ هەوە دێ شێت ژمارەیا رەوشەنبیران، ل پەى هەمى پێناسەیێن پەیڤا رەوشەنبیر، ئەڤێن ل ئەڤێ دەڤەرا مە هەین بێژیت کا چەندن؟!

ما هەر چیێ شعرەک یان گۆتارەک نڤێسى یان ژى سمینارەک دا یان ژى جلکێن شەپەشووڕ کرنە بەر خۆ یان قەلین کێشا و قەهوە ڤەخوار و سەنى و مەنى ژ خۆ چێکرن، ما مەرجە ئەڤە کەسەکێ رەوشەنبیر بیت ( وبالتالی) لیبرال بیت.

وەکى تو د هەمى کاودانان دە، یێن خۆش و یێن نەخۆش، کەڕ و لال بى، وەکى ئەو باوەرییێن تە هەین تو نەشێ دەرەهى بکى، وەکى تو بەرهەڤبى سالوسیان بۆ ڤى و بۆ وێ هە بکەى، وەکى تو بێژى نەکو دربەک ب بەرژەوەندییێن من بکەڤت و وەکى تو ژ سوشال میدیایێ و کومێنتا بترسى و وەکى تو شعرا ب خۆ ب موختارێ گوندى ژى بێژى وەکى و وەکى و وەکى، یا ژ من ڤە هینگێ نە تو کەسەکێ رەوشەنبیری و نە کەسەکێ لیبرالى، بەلکو تنێ تو کەسەکێ بەرژەوەندخواز و ئەزئەزی و دوڕیی و نە زێدەتر. جارێ دویماهى پرسیار، هوین و خودێ چەند کەسێن ژ ئەڤى توخمى د ناڤ مە دە هەنە؟!

( من بەحسێ وی کەسی/ کەسێ یە، یێ/ یا ھزربکت ئەو مەبەستە و گومانا ژ خۆ ببەت)

زێدەتر دەربارەی