رێنما بۆ پاراستنا زاڕۆیان ژ مه‌له‌ڤانییان ل وه‌رزێ هاڤینێ
بەلاڤ بکە
گاڤ
دا د وه‌رزێ هاڤینێ دا زاڕۆكێن ته بێ به‌هر نه‌بن ژ خۆشییا سه‌یران، مه‌لاڤانگه‌هـ و ئاڤان، باشه ڤان رێنمایان بجهـ بینى.
ناڤه‌نده‌كا ئه‌مریكى هنده‌ك رێنمایان دده‌ته داى و بابان ل ده‌ما وه‌رزێ گه‌رمێ ژبه‌ركو قه‌ستا مه‌له‌ڤانگه‌هـ و ناڤا ئاڤان دكه‌ن و ئه‌و رێنما بۆ دای و بابان ل هه‌رێما كوردستانێ ژى و ب تایبه‌ت پارێزگه‌ها دهۆكێ گرنگن، چونكى وه‌لاتى د ڤى وه‌رزێ گه‌رمێ دا قه‌ستا سه‌یرانگه‌هـ، مه‌له‌ڤانگه‌هـ و سه‌ر ئاڤێن كانى، بیری، زێ و رۆباران دكه‌ن.
ناڤه‌ندێ دیاركریه، ژ ئه‌گه‌رێ نه زانینا مه‌له‌ڤانییان مه‌ترسى ل سه‌ر ژیانا زاڕۆیێن 4 تا 14 سالى دا سالانه زێده‌تر دبیت.
له‌و باشتره ڤان رێنمایان بجهـ بینى و خۆ و زاڕۆكێن خۆ ژ خه‌ندقینێ رزگار بكه‌ى و له‌ش و گیانێ خۆ و وان ب پارێزى.
هنده‌ك رێنما بۆ داى و بابان ل ده‌ما زاڕۆیێن خۆ دبه‌نه سه‌ر ئاڤ و مه‌له‌ڤانگه‌هان
- فێرى مه‌له‌ڤانییان بكه
- بلا كه‌لوپه‌لێن هاوارهاتنێ ل گه‌ل ته‌بن
- ل ده‌ما مه‌له‌ڤانییان چاڤدێرییا زاڕۆكى بكه
- رێ نه‌دێ ل جهێن قه‌ده‌غه خۆ بێخیته ئاڤێ
- بلا زاڕۆكێ ته ب تنێ مه‌له‌ڤانییان نه‌كه‌ت
- چاكیتێن رزگاركرنێ و پڕى با ل به‌ربن
- د ناڤا ئاڤێ دا چ خوارن و ڤه‌خوارنان نه‌خۆت
ل هه‌رێما كوردستانێ د وه‌رزێ گه‌رمێ دا گه‌له‌ك روودان و كاره‌ساتێن نه‌چاڤه‌ڕێكرى ژ ئه‌گه‌را خۆ نه‌پاراستنێ و بجهنه‌ئینانا رێنمایان په‌یدا دبن و دبنه ئه‌گه‌رێ خه‌ندقینا وه‌لاتییان.
