گاڤ

سێ یانەیێن مەزنێن ئەورۆپی هەڤرکیا کرینا نیکۆ ویلیامز یاریزانێ ئسپانی و یانەیا ئەتلەتیک بلباو دکەن، پشتی ئاستێ وی یێ باش د قارەمانییا یۆرۆیی دا.

رۆژنامەیا مارکا یا ئسپانی راگەهاند؛ ژ بلی یانەیا بەرشەلۆنا کو پێکۆلێن خو چر کرینە، هەر دو یانەیێن بایرن میۆنخ یا ئەلمانی و لێڤەرپۆل یا ئنگلیزی ژی هاتنە د هەڤرکیا شکاندنا گرێبەسات یاریزان نۆکۆ ویلیامزی یاریزانێ یانەیا ئەتلەتیک بلباۆ یا ئسپانی و حەز دکەن ببەنە ناڤا ڕێزێن تیما خو دا.

نیکۆ ویلیامزێ 22 سالی ل وەرزێ بۆری د خۆلا ئسپانی دا ئاستەکی باش ل گەل یانەیا خۆ ئەتلەتیک بلباو هەبوو د ڤێ یۆرۆیا ئەڤ سالە ژی دا تا نها ئاستەکێ باش  هەیە و سەرنجا هەژمارەکا یانەێین جیهانی تایبەت بەرشەلۆنا بخو  راکێشایە.