دادگهها كهرخ سزایێ سێدارهدانێ بۆ ههڤژینا ئهبو بهكر بهغدادى دهرخست
گاڤ
ژبهر گرتنا كچێن ئێزدى د مالا خۆ دا دادگهها كهرخ سزایێ سێدارهدانێ بۆ ههڤژینا ئهبو بهكر بهغدادى، سهرۆكێ پێشتر یێ رێكخستنا تیرۆرستییا داعشێ دهرخست.
ئهسما محهمهد ل خزیرانا سالا 2018ێ ل پارێزگهها هاتایى ل سهر سنۆرێ توركیا هاته دهستهسهركرن و توركیا بهحس ل گرتنا وێ نهكر تا سالا 2019ێ، پاشى ئهنقهره راگههاند، ههڤژینا بهغدادى ل گهل دههـ كهسێن دى هاتینه دهستهسهركرن و كچا وى لهیلا ژى ل گهل دایه.
ئهڤرۆ دادگهها كهرخ ل بهغدایێ سزایێ سێدارهدانێ بۆ ئهسما محهمهد ههڤژینا ئهبو بهكر بهغدادى، سهرۆكێ رێكخستنا تیرۆرستییا داعشێ یێ پێشتر دهرخست و ئهگهر ژى ڤهگهڕاندن كو ل دهما ل ناڤا رێكخستنێ ئهسمایێ كچێن ئێزدى ل مالا خۆ دهستهسهركرینه و ب شێوهیێن جودا جودا توندوتیژى ههمبهرى وان كریه.
سزا ل گۆڕهیى ماددهیێ ئێك و ب بهلگهیێ ماددهیێ دو 1 و 3 ژ قانوونا دژهتیرۆرێ ژماره 13 یا سالا 2005 و ل گۆڕهیى بهلگهیێن ماددهیێن حهفت ئێك ژ قانوونا رزگاربوویێن ئێزدى یا ژماره 8 یا سالا 2021ێ هاتیه سزادان.