گاڤ

سوبەهی ل هەشت پارێزگەهێن ئیراقێ بێهنڤەدانا فەرمی یە و بریار ژ ئالییێ پارێزگارێن وان پارێزگەهان ڤە هاتییە دان.

سوبەهی ل پارێزگەهێن نەینەوا، دیوانیە، بەسرە، میسان، سەماوە، ناسریە، واست، و بابل بێهنڤەدانا فەرمی یە و ئەگەر بۆ بلندبوونا پلەیێن گەرمێ ڤەدگەڕیت.

ل گەل دەستپێکرنا وەرزێ گەرما دژوار ل ئیراقێ، محەمەد شیاع سوودانی، سەرۆکوەزیرێ ئیراقێ دەستهەلات دابوونە پارێزگاران هەر دەما پلەیێن گەرمی بگەهنە د سەر پێنجی پلەیێن سیلیزی دا، وان دەستهەلات هەیە بێهنڤەدانا فەرمی رابگەهینن.

دهێتە پێشبینیکرن سوبەهی ل سەرتاسەری ئیراقێ پلەیێن گەرمێ بلند ببن و ل گەلەک پارێزگەهان پلە بگەهنە د سەر پێنجی پلەیێن سیلیزی دا.