گاڤ

ئەڤرۆ دەڤەردارێ ئامێدییێ و بەرپرسێ لقا پارتی ل ئامێدییێ و ژمارەیەکا دی یا بەرپرسێن حکومی و حزبی سەرا گوندێن گوهەرزێ، بەرچی و بلاڤە دا و خەلکێ وان گوندان دێ هێتە قەرەبۆکرن.

بەرەڤان حەمدی، بەرپرسێ لقا پارتی ل ئامێدییێ دیارکر: ب ئارمانجا ژ نێزیک هایداربوونێ ل سەر رەوشا دەڤەرێ و پاراستنا ئێمناهییا وەلاتییان، ئەڤرۆ ئەو ل گەل وارشین سەلمان، دەڤەردارێ ئامێدییێ و ژمارەکا دی یا بەرپرسێن حکومی و حزبی چوونە گوندێن گوهەرزێ، بەرچی و بلاڤە.

بەرەڤان حەمدی هەروەسا خۆیاکرییە: لژنەیەک بۆ دیارکرنا وان زیانێن شەڕێ تورکیا و پەکەکێ گەهاندینە خەلکێ دەڤەرێ هاتییە پێکئینان و وەلاتی دێ هێنە قەرەبۆکرن.