گاڤ

ل گۆرەی سەرۆکاتیا هەرێما کوردستانێ، "سەرۆک نێچیرڤان بارزانی بەرهەڤی و خواستا هەرێما کوردستانێ بۆ پێشڤەبرنا پەیوەندییێن دۆستانە د چارچووڤێ هاریکاریا هەڤپشک د هەمی بواران دا ل سەر بنەمایێ رێز و بەرژەوەندییێن هەڤپشک دوپاتکر".

"سەرۆک نێچیرڤان بارزانی دوپاتکر کو سەرۆک پزیشکییان دێ بیتە ئەگەرێ کویرکرنا دۆستایەتیا هەردو ئالیان مینا د دوماهی کۆمبوونا ل گەل رابەرێ بلندێ کۆمارا ئیسلامی یا ئیرانێ دا بەرهەڤیا هەرێمێ بۆ هاریکاریا هەڤپشک ژ پێخەمەت پاشەرۆژەکا باشتر و ئاشتیا دەڤەرێ نیشاندایی.

ژ ئالییێ خۆڤە ژی مەسعوود پزیشکییان، سەرۆککۆمارێ نوی هەلبژارتی یێ ئیرانێ سوپاسیا پەیوەندییا تێلەفۆنی یا سەرۆک نێچیرڤان بارزانی کر و دوپاتی ل خواستا کۆمارا ئیسلامی بۆ پێشڤەبرنا پەیوەندیان ل گەل هەرێما کوردستانێ و ئیراقێ دەربری.