جڤاتا وه‌زاری یا ئەمنی یا ئیراقێ ل دۆر له‌شكركێشى و  ده‌ستیوه‌ردانێن سوپایێ تركیا دناڤ ئاخا هه‌رێما كوردستانێ دا كۆمبوو

بەلاڤ بکە

 

گاڤ

لیوا یەحیا رەسوول راگەهاند؛ د کۆمبوونا جڤاتا وەزاری یا ئەمنی یا ئیراقێ دا محەمەد شیاع سوودانی، فەرماندارێ گشتی یێ هێزێن چەکدار شاندەک ب سەرۆکاتیا شیرەتکارێ ئێمناهیا نشتیمانی راسپارد کو سەرەدانا هەرێما کوردستانێ بکەن و دویڤچوونا رەوشا ئەمنی بکەن داکو هەلوەستەکێ ئێکگرتی بۆ پاراستنا سەروەریا ئیراقێ بهێتە وەرگرتن.

د کۆمبوونێ دا جڤاتا وەزاری یا ئیراقێ دەستوەردانێن تورکیا رەتکرن، هەروەسا دوپاتکر کو پێدڤییە تورکیا پێگیری بنەمایێن جیرانیێ ببیت و سەرەدەریا دپلۆماسی ل گەل حکومەتا ئیراقێ بکەت و بۆ هەر بابەتەکێ ئەمنی ژی هەماهەنگیێ ل گەل ئیراقێ بکەت.

جڤاتا وەزاری یا ئەمنی داخواز ژ هەمی هێزێن نشتیمانی کر پشتەڤانیا هەولوەستێ حکومەتێ بکەن و دوپات کر کو هەلوەستێ ئیراقێ ل سەر بنەمایێ دەستوور و قانوونێ یە و رێگریێ ل هەر هێرشەکا ل سەر ئاخا خۆ دکەت و نابیت ئاخا ئیراقێ ببیتە مەیدانا هێرشکرنا وەلاتێن جیران.

 

زێدەتر دەربارەی