وەزارەتا پەروەردێ ب رێیا پرۆژەیەکى 15 هزار زارۆ دوبارە ڤەگەراندنە پرۆسەیا خواندنێ

بەلاڤ بکە

گاڤ – تایبەت
شیلان خەلیل، رێڤەبەرا گشتییا پلاندانێ ل وەزارەتا پەروەردێ بۆ گاڤ گۆت: د سالا 2023 – 2024 یا خواندنێ دا 35 هزار خێزانێن هەرێما کوردستانێ زارۆیەک هەبوویە کو ژ خواندنێ ڤەقەتیایە یان هەر پەیوەندی ب قوتابخانەیان نەکریە، لێ ئەو رێژەیە نە گەهشتییە ئاستێ ستاندارتێن جیهانی یێ ب ئاستەکێ خراب دهێنە ل قەلەمدان.
هەروەسا گۆت: وەزارەتا پەروەردێ شیا د سالا خواندنێ دا ب رێکا بەرنامەیێن خۆ 15 هزار قوتابییان دوبارە ڤەگەرینیتە پرۆسەیا خواندنێ و پشتی دیڤچوونا رەوشا هەمی قوتابیان، دیاربوو کو 12 هزار ژ وان قوتابییێن ڤەگەریاین، شیان ب سەرکەفتیانە سالا خۆ یا خواندنێ تەمام بکەن.
ل گۆرەی ئامارێن وەزارەتا پەروەردێ، ژ وێ ژمارا قوتابییێن ڤەگەریاینە پرۆسەیا خواندنێ 2482 قوتابی یێن پارێزگەها دهۆکێ نە و 351 ژی یێن ئیدارا سەربخۆ یا زاخۆ نە.
شیلان خەلیل، رێڤەبەرا گشتییا پلاندانێ ل وەزارەتا پەروەردێ ئەگەرێن ڤەقەتیانا قوتابیان ژ پرۆسەیا خواندنێ دیارکرن و گۆت: کێشەیێن جڤاکی و خێزانی، زەحمەتیا فێربوونێ، نەبوونا حەزا خواندنێ ئەگەرێن سەرەکی یێن ڤەقەتیانێ نە ژ پرۆسەیا خواندنێ.

زێدەتر دەربارەی