2000 تەنێن بنەتۆڤێ گەنمێ باوەرپێکری دێ هێنە وەرگرتن
بەلاڤ بکە
گاڤ
رێڤەبەرییا گشتییا چاندنێ ل پارێزگەها دهۆکێ راگەهاند، دوهزار تەنێن بنەتۆڤێ گەنمێ باوەرپێکری لسەرتاسەری کوردستانێ دێ ژ جۆتیاران هێنە وەرگرتن ئەوێن د ئەڤ سالە دا لێگەریان بو زەڤیێن وان هاتینەکرن.
سالانە حکومەتا هەرێما کوردستانێ و وەزارەتا چاندن و ژێدەرێن ئاڤێ باشترین جۆرێ گەنمی بۆ بنەتۆڤێ ل سەرتاسەرێ هەرێما کوردستانێ وەردگریت، ل رێڤەبەری یا گشتییا چاندنێ ژی دوو تیمێن پسپۆر هەنە کو باشترین جۆرێن گەنمی بۆ بنەتۆڤێ دەستنیشان دکەن.
رێڤەبەریا بەرهەمئینان و پەسەندکرنا بنەتوڤی یا سەر ب رێڤەبەرییا گشتی یا چاندنێ ل پارێزگەها دهۆکێ و کومپانیا خوشناو دەست ب وەرگرتنا بنەتۆڤێ گەنمێ باوەرپێکری کریە کو دێ ژوان جوتیاران هێتە وەرگرتن یێن د ئەڤ سالەدا لێگەریان بو زەڤیێن وان هاتینەکرن،هەر جوتیارەکی ژی ل دیف رووبەرێ ئەردێ وی گەنم دێ ژێ هێتە وەرگرتن.
ل دیف بریارا وەزارەتا چاندن و ژێدەرێن ئاڤێ یا حکۆمەتا هەرێما کوردستانێ و رێنمایێن تاقیگەهێ ئەڤ بنەتۆڤێ گەنمێ باوەرپێکری دێ هێنە وەرگرتن دو جورن توڤێ باوەرپێکرینە جورێ تومارکری بهایێ هەر تەنەکی 885 هزار دینارن جورێ توڤێ پەسەندکری بهایێ هەر تەنەکی 860هزار دینارن.
