ساخله‌میا ئیراقێ: ژ ده‌مژمێر 11 تا 4 ژبه‌ر كاره‌كى فه‌ر نه‌بیت ده‌رنه‌كه‌ڤن
بەلاڤ بکە
گاڤ
ئه‌ڤرۆ ل یازده پارێزگه‌هان ژبه‌ر گه‌رمێ بێهنڤه‌دانا فه‌رمى یه و حكومه‌ت ژى هۆشداریێ دده‌ت ژ ده‌مژمێر 11 تا چارى ئێڤارى ئه‌گه‌ر كاره‌كێ فه‌ر نه‌بیت ده‌رنه‌كه‌ڤن، سه‌قاناسى ژى دبێژیت: پله‌یێن گه‌رمێ ل وان پارێزگه‌هان دێ گه‌هنه 50 پله‌یان و ده‌رباز كه‌ن.
حكومه‌تا ئیراقێ ئه‌ڤرۆ ل هه‌ر ئێك ژ پارێزگه‌هێن بابل، واست، زیقار، میسان، دیالە، دیوانیە، موسەننا، نەجەف، نەینەوا، کەرکووک و دیالە كریه بێهنڤه‌دانا فه‌رمى، سه‌قاناسى ژى دبیژیت: ل وان پارێزگه‌هان پله‌یێن گه‌رمێ دێ گه‌هنه 50 پله‌یان و ل هنده‌كان ژى دێ ژ 50 پله‌یێن سیلیزى بۆرن.
ژ ئالیێ خۆڤه ده‌سته‌یا ساخله‌مییا ئیراقێ هۆشداریێ دده‌ته وه‌لاتییان ئه‌گه‌ر ژ به‌ر كاره‌كى فه‌ر نه‌بیت ژ ده‌مژمێر 11 تا چارى ئێڤارى ده‌رنه‌كه‌ڤن.
ل دۆر سه‌قایێ هه‌رێما كوردستانێ سه‌قاناسیێ دیاركریه، پله‌یێن گه‌رمێ ل سه‌رانسه‌رى ئیراقێ دێ بلند بن، لێ ل پارێزگه‌هێن هه‌رێما كوردستانێ دێ دو بۆ سێ پله‌یان ژ پله‌یێن دوهى بلند تر بن.
