گاڤ

فه‌رمانده‌یا هێزێن ئه‌مریكا (سینتکۆم) راگه‌هاند،  لڤین و كریارێن داعشێ د 6 هه‌یڤێن بۆرى دا ل ئیراقێ و سووریێ دو به‌رانبه‌ر زێده‌بووینه و دا زانین ژى هێشتا 25 هزار تیرۆرستێن داعشێ ل هه‌ر دو وه‌لاتان ماینه‌.

فه‌رمانده‌یا هێزێن ئه‌مریكا د راپۆرته‌كێ دا به‌لاڤكر ژ هه‌یڤا كانوینا دووێ تا دویماهییا خزیرانا ئه‌ڤساله‌، داعشێ 153 هێرش ل ئیراقێ و سووریێ كرینه‌، ئه‌ڤ هێرشه‌ دو جاران هندى هێرشێن 6 هه‌یڤێن ئێكێ یێن پارن.

ل گۆره‌ى راپۆرتا (سینتکۆم)ێ زێده‌بوونا چالاكیێن داعشێ ئاماژه‌نه‌ بۆ وێ ئێكێ كو پشتى چه‌ندین سالێن لاوازكرنا وێ رێكخستیێ هیشتا مه‌ترسییه‌.

(سێنتكۆم)ێ دا زانین ژى، د نیڤا ئێكێ یا ئه‌ڤ ساله‌ دا، 44 چه‌كدارێن داعشێ هاتینه‌ كوشتن و 166 هاتینه‌ ده‌سته‌سه‌ركرن. ئاشكراكر ژى هێشتا 25 هزار تیرۆرستێن داعشێ ل ئیراقێ و سووریێ هه‌نه‌.