گاڤ – تایبەت
ژێدەرەکی تایبەت بۆ گاڤ گۆت: نێزیکی 10 رۆژانە فەرمانا گرتنێ بۆ 82 خودانێن سیستەمێن ئۆنلاین یێن قوماری کو د ناڤا خەلکی دا ب ئەدمن دهێنە نیاسین، دەرکەفتیە و پۆلیسان هەوا دەستەسەرکرنێ دەستپێکریە.
هەروەسا گۆت: تانوکە 57 ژ وان ئەدمنان هاتینەگرتن و یێن مایی ژی یان هێشتا جهێن وان دیارنەبووینە یان رەڤینە و خۆ بەرزەکرینە.
ژێدەری دوپاتژی کر کو ئێک ژ ئەدمنێن سەرەکی یێن پارێزگەها دهۆکێ هاتیە دادگەهکرن ژی و حوکمێ 6 هەیڤێن زیندانێ بۆ دەرکەفتبوو، لێ ئەڤرۆ حوکمێ وی هێشتا هاتیە زێدەکرن.
ژێدەرێ گاڤ دا زانین ژی کو هەوا دەستەسەرکرنا خودانێن سیستەمێن قومارێ یا بەردەوامە و هێزێن ئەمنی بەردەوام ل دویڤ جهێ یێن مایی دگەرن یێن فەرمانا گرتنێ بۆ دەرکەفتی.