گاڤ

سێرڤەرەکێ جیهانی یێ ئینتەرنێتێ تێکچوو و ئەڤە بوویە ئەگەر کارێ چەندین کۆمپانییێن گەشتێن ئاسمانی، کەنالێن تەلەڤزیۆنی و بەنک و چەندین سێکتەرێن دی رابوەستیت.

ئاژانسا ئێن بی سی یا ئەمریکی راگەهاند: سێرڤەرێ (CrowdStrike) کو سێرڤەرەکێ جیهانی یێ ئینتەرنێتێ یە ل ئوسترالیا، هندەک ئاپدەیت د سیستەمێ خۆ دا کرینە و ئەڤەر بوویە ئەگەر کارتێکرن ل بەرهەمێن مایکرۆسۆفت ببیت و کار نەکەن.

ل گۆرەی ئاژانسا رۆیتەرز، ئەو کێشەیا د (CrowdStrike)ی دا چێبووی و کارتێکرنا ل مایکرۆسۆفتی بووی، بوویە ئەگەر چەندین فرۆکخانە ل ئەمریکا کار نەکەن و هەڤدەم، کارێ چەندین بەنکان راوەستیایە و کەنالێ سکای نیۆز ژی نەشێت پەخشێ ئێکسەر بکەت و چەندین کۆمپانییێن دی ژی ژ کاری راوەستیاینە.

کۆمپانییا (CrowdStrike) دبێژیت: وان ئاگەهـ ژ وێ ئاریشێ هەیە یا چێبووی و کار ل سەر چاککرنا وێ دکەن.