ده‌مێ ده‌ستبكاربوونا سه‌رۆكکۆمارێ ئیرانێ هاته‌ پێشخستن

بەلاڤ بکە

گاڤ

هادى ته‌حان نه‌زیف، په‌یڤدارێ جڤاتا پاراستنا ده‌ستوورى یا ئیرانى ئه‌ڤرۆ دوشه‌مبی راگه‌هاند: هه‌مى ئاماده‌كارى بۆ رێوره‌سمێن ده‌ستبكاربوونا سه‌رۆكێ نوى یێ ئیرانێ ب دویماهی هاتینه‌، و 28ێ ڤێ مه‌هێ دێ رێوره‌سمێن ده‌ستبكاربوونا سه‌رۆكى هێنە برێڤەبرن.

نه‌زیف دبێژیت، د رێوره‌سمان دا دێ عه‌لى خامنه‌یی، رێبه‌رێ بلند و به‌رپرسێن حكومى ئاماده‌بن.

پێشخستنا ده‌مێ ده‌ستبكاربوونا سه‌رۆكێ ئیرانێ د ده‌مه‌كى داییه،‌ به‌رى نوكه‌ موجته‌با یوسفى، ئه‌ندامێ ده‌سته‌یا سه‌رۆكاتیا په‌رله‌مانێ ئیرانێ دیاركرییه‌، رێوره‌سمێن ده‌ستبكاربوونا نه‌هه‌مین سه‌رۆككۆمارێ ئیرانێ ل رۆژێن 14 یان 15 هەیڤا بهێت هێنە برێڤەبرن.

ئاماژه‌ دا هندێ ژى، روینشتنا په‌رله‌مانى بۆ پێداچوون و ده‌نگدانێ لسه‌ر ده‌ست ژ كاركێشانا مه‌سعوود پزیشكان ژ نوینه‌راتیا خه‌لكێ ته‌برێزێ، ل گوره‌ى یاسایێ دڤێت ل رۆژا ئێشكشه‌مبیێ بهێتە برێڤەبرن.

پاشى ل گوره‌ى مادێ 121 ی یێ ده‌ستوورى، سه‌رۆككومار د كۆمبۆنەكێ دا ب ئاماده‌بوونا سه‌رۆكێ ده‌زگه‌هێ دادوه‌رى و ئه‌ندامێن جڤاتا پارێزه‌رێن ده‌ستوورى ل په‌رله‌مانى سویندا قانوونی دخۆت.

رۆژا 5ی هەیڤا بۆری ل خۆلا دویێ یا هه‌لبژارتنێن سه‌رۆكاتیا ئیرانێ، مه‌سعوود پزیشكیان، به‌ربژارێ ریفۆرمخوازان شیا زێده‌تر ژ 16 ملیۆن ده‌نگان بده‌ستخۆڤه ‌بینیت و ببیته‌ نه‌هه‌مین سه‌رۆككومارێ ئیرانێ.

 

زێدەتر دەربارەی