گاڤ

کوڕێ زەنگینترین مرۆڤ ل جیهانێ کو ئیلۆن مەسکە، رەگەزێ خۆ گوهۆڕییە و خۆ کرییە کچ، مەسک دبێژیت: کوڕێ وی هاتییە د سەر دا برن و کوشتن، لەورا ئەو دێ تۆلا وی ڤەکەت.

ئیلۆن مەسک، ملیاردێرێ بەرنیاس یێ ئەمریکی کوڕەک ب ناڤێ زاڤیێر هەبوو، لێ کوڕێ وی ل سالا 2022یێ بریار دایە رەگەزێ خۆ بۆ کچ ب گوهۆڕیت، ناڤێ خۆ ژی بکەتە ڤێڤیان.

مەسک شڤێدی پشکداری ل گەل جۆردن پیتەرسن، دەرۆنناسێ کەنەدی پشکداری هەڤپەیڤینەکێ بوو، ئێک ژ تەوەرێن هەڤپەیڤینێ ئەڤ بابەتە بوو و مەسکی ل دەما بەحسا هویرکاتییێن بابەتی کری، گۆت: گرۆپەک ل ئەمریکا هەیە ب ناڤێ "وۆک"، ئەو گرۆپ گەنجان د سەر دا دبەت کو رەگەزێ خۆ ب گوهۆڕن و ئەو گرۆپ دبێژیت "دایک و بابان ماف نینە زۆرییێ ل زارۆکێن خۆ بکەن، بەلکو زارۆکان ماف هەیە رەگەزێ خۆ ب گوهۆڕن."

مەسکی هەروەسا گۆت: ل سالا 2022یێ ل دەما کۆرۆنایێ، هندەک نوشداران گۆتە وی "ئەگەر جۆرەکێ دەرمانی نەدەینە کوڕێ تە، دبیت خۆ بکوژیت." ل وی دەمی ئەو رازیبوو هندەک بەلگەنامەیان ئیمزا بکەت داکو کوڕێ خۆ ژ مرنێ رزگار بکەت، لێ پاشی دیاربوو ئەو دەرمان یێن هندێ نە کوڕێ وی بالغ نەبیت و کوڕێ وی هاتە خەساندن.

مەسک دبێژیت: نوکە هەروەک کوڕێ وی هاتییە کوشتن، تومەتبارێن وی کاری ژی ئەندامێن گرۆپێ وۆکن و ئەو سۆزێ ددەت کار ل سەر نەهێلانا وان هزروبیران بکەت یێن گەنجان د سەر دا دبەن.

ئەڤ سالە ل ویلایەتا کالیفۆرنیا یا ئەمریکی بریار هاتە دان هەر گەنجەکێ بخوازیت ل جهێ ناڤێ بابێ وان، پاشناڤێ وی ببیتە ناڤێ دایکێ یان بخوازیت ب رەگەزەکێ دی بهێتە بانگکرن، دشێت بێی ئاگەهدارییا سەمیانیێن خۆ وی کاری بکەت، لەورا ل ڤێ مەهێ، ئیلۆن مەسکی بنگەهێ سەرەکی یێ کۆمپانییا خۆ "سپەیس ئێکس" ژ کالیفۆرنیا ڤەگوهاستە ویلایەتا تێکساس.