سوودانی و وەزیرێ ناڤخۆ یێ ئیرانێ پرسا بەرهنگاربوونا مادەیێن هشبەر بەحسکر
بەلاڤ بکە
گاڤ
سەرۆکوەزیرێ ئیراقێ و وەزیرێ ناڤخۆ یێ ئیرانێ ل بەغدا کۆمبوون هەژمارەکا بابەتان تایبەت پرسا بەرهنگاربوونا مادەیێن هشبەر بەحسکر کر.
سەرۆکاتییا وەزیرێن ئیراقێ د بەیانەکێ دا بەلاڤکر؛ ئەڤرۆ محەمەد شەیاع سوودانی، د بەردەوامییا دویەم کۆنگرەیێ بەرهنگاربوونا مادەیێن هشبەر ل بەغدا د گەل احمد وەحیدی، وەزیرێ ناڤخۆ یێ ئیرانێ و شاندا دگەل دا کۆمبوو.
سەرۆکاتییا وەزیرێن ئیراقێ دیار کر: د کۆمبوونێ دا هەر دو ئالییان پرسێن هەڤپشکێن د ناڤبەرا هەردو وەلاتان دا، بەرهەڤبوونا شاندا ئیران د ئەوی کۆنگرەیێ دا، پرسا بەرهنگاربوونا مادەیێن هشبەر و ئەو بابەتێن گرنگێن د کۆنگرەیی دا هاتینە بەحسکرن، گۆتوبێژ کرن.
دا زانین ژی: هەماهەنگییا هەڤپشک دەربارەی کۆنترۆلکرنا سنۆرێن هەردو وەلاتان و ب جهئینانا رێککەفتنا ئەمنی و پێشڤەبرنا وێ و رێگیریکرن ژ بکارئینانا ئاخا ئیراق و ئیرانێ ژبۆ هێرشکرنا سەر وەلاتێن جیران ژ لایێ گرۆپێن دەرڤەی قانوونێ ژی د کۆمبوونێ دا هاتنە بەحسکرن.
