گاڤ

رێڤەبەرا خزمەتگۆزارێین نهێنی یێن ئەمریکا دەست ژ کارکێشا، پشتی روودانا بزاڤێن تیرۆرکرنا ترامپی و ئەو گڤاشێن لسەر هاتینە کرن.

کێمبرلی چێتل، رێڤەبەرا خزمەتگۆزاریێن نهێنی یێن ئەمریکا کو بەرپرسە ژ پاراستنا سەرۆکین ئەمریکا دەست ژ کارکێشا پشتی بزاڤێن کوشتنا و دۆنالد ترامپی هاتینە کرن و هەردو پارتێن کۆماری و دیمۆکراتان گڤاشتن لێ کرین.

کۆچکا سپی راگەهاند: ل ڤان نێزیکان جۆ بایدن سەرۆکێ ئەمریکا دێ کەسکێ دی بۆ جهێ کێمبرلی چێتل دەستنیشان کەت.

ل چاردەی ڤێ مەهێ دۆنالد ترامپ، سەرۆکێ بەرێ یێ ئەمریکا وبەربژێری کۆمارییان بۆ پۆستێ سەرۆکاتییا ئەمریکا د رێورەسمەکێ بانگەشەیا هەلبژارتنان  دا ل ویلایەتا پەنسلڤانیا ژ روودانەکا تیرۆرکرنێ رزگاربوو پشتی تەقە لێهاتییە کرن.