زارۆیەکا یاریکەرا شەترنجێ یا خەلکا دهۆکێ ل رۆسیا پشکداری قەهرەمانییەکا شەترنجێ بوو و پلەیا سێیێ ب دەست خۆ ڤە بر.

ئێڤا هەڤال نزارکی، کچەکا 9 سالی یا خەلکا دهۆکێ یە، ئێڤا ل باژێڕێ مۆسکۆ، پایتەخێ رۆسیا پشکداری قەهرەمانییەکا شەترنجێ ببوو کو پشکدارێن وێ قەهرەمانییێ ژ 171 یاریکەران ژ ئاستێ جودا پێک دهاتن و بابێ ئێڤایێ بۆ گاڤ گۆت: ئێڤا شیا پلەیا سێیێ ل سەر ئاستێ وێ قەهرەمانییا نێڤدەولەتی ببەت.

بابێ ئێڤایێ بۆ گاڤ دبێژیت: ئێڤا تاکە کچا کورد بوو پشکداری د وێ قەهرەمانییێ دا کری و شیا ل پشکا Rapid یا قەهرەمانییێ پلەیا سێیێ ب دەستڤە ببەت.

بابێ ئێڤایێ دبێژیت: هەر دەما ئێڤا گەلەک یا بچویک، حەز ژ شەترنجێ دکر و دەما دو سالانە ب رەنگەکێ ئەکادمی شەترنجێ دکەت.

ئێڤا نوکە قوتابییا پۆلا نەهێ بنەرەتە و ئەو ل گەل خێزانا خۆ ل باژێڕێ مۆسکۆ ل رۆسیا دژین.