گاڤ

وەزارەتا دارایی یا هەرێمێ راگەهاند، سوبەهی دێ مووچەیێ وەزارەتا کارەبێ ژ داهاتێ ناڤخۆ هێتە بەلاڤکرن.

وەزارەتا دارایی یا هەرێمێ راگەهاند؛ وەزارەتا دارایی یا حکومەتا فیدرال چ برە پارەیەک بۆ دانا مووچەیێن مەهێن گۆلان و خزیرانێ یێن وەزارەتا کارەبێ و پەرلەمانێ کوردستانێ خەرج نە کریە و مووچەیێ مەها خزیرانێ وەک یێ گۆلانێ ژ داهاتێ ناڤخۆ دێ هێتە دابەشکرن.

دا زانین ژی: وەزارەتا دارایی بەردەوام د بزاڤان دایە کو چ ئاستەنگان ل هەمبەر خەرجکرنا مووچەیین وان هەردوو سازییان نەهێلیت و ژبۆ وێ یەکێ دگەل تیما هەڤپشکا دیوانا چاڤدێرییا دارایی و وەزارەتا دارایی یا ئیراقێ د پەیوەندییان دایە.