سوبەهی دێ ئۆلۆمپیاتێن پاریسێ دەستپێکەن

بەلاڤ بکە

گاڤ

بریاره‌ سوباهى رۆژا ئه‌ینیێ 26 تیرمەهێ، 33 مین ئاهه‌نگا ئۆلۆمپیاتێن هاڤینێ ل پاریسا پایته‌ختا فه‌ره‌نسا بهێتەکرن، ل گۆره‌ى راپۆرتێن رۆژنامه‌ڤانى پتر ژ 120 شاه، سه‌رۆكێن وه‌لاتان و چه‌ندیین ستێرێن نێڤده‌وله‌تى پشكداربن.

جیاوازییا ئۆلۆمپیاتێن پاریسێ ژ ئۆلۆمپیاتێن بورى، بۆ ئێكه‌م جار د دیرۆکا ئۆلۆمپیاتا دا ئاهه‌نگا ده‌ستپێكرنێ دێ ژ ده‌رڤه‌یى یاریگه‌هێ هێته‌ كرن و زێده‌تر ژ 350 كه‌سان دێ دئاماده‌بن كو بریاره‌ لسه‌ر کنارێن رووبارێ سین بهێتکرن.

ل گوره‌ى زانیاریان، ژ سه‌ركرده‌یێن هه‌ره‌ دیار كو دێ دپشكداربن د ئاهه‌نگا ده‌ستپێكرنا ئۆلۆمپیاتێن پاریسێ دا، شاه چارلسێ سێیێ، شاهێ به‌ریتانیا، سكرتیرێ گشتییێ نه‌ته‌وه‌یێن ئێكگرتى، شیره‌تكارێ ئه‌لمانیا، سه‌رۆكوه‌زیرێن بریتانیا،سه‌رۆكێ ئیتالیا، سه‌رۆكێ ئیسرائیل، میرێ قه‌ته‌رێ، سه‌رۆكوه‌زیرێن یۆنان و خانما ئێكێ یا ئه‌مریكا.

دهێته‌ پێشبینیكرن فه‌ره‌نسا ب مێڤانداریكرنا ئۆلۆمپیاتێن 2024ێ كوژمێ 9 ملیار دۆلارا خه‌رجبكه‌ت.

د ئۆلۆمپیاتێن ڤێ سالێ دا 100 به‌له‌م بۆ ڤه‌گوهاستنا زێده‌تر ژ10 هزار و 500 وه‌رزشفانان هاتینه‌ ئاماده‌كرن، كو نوینه‌رێن 206 وه‌لات و گه‌لێن جیاواز دڤان ئۆلۆمپیاتان دا دپشكدارن.

رێكخه‌رێن یاریێن ئۆلۆمپیاتێ د دەنە دیارکرن کو چاڤه‌رێ دهێته‌ كرن ل سه‌رانسه‌رى جیهانێ 1.5 كه‌س ب رێكا تیڤیان بینه‌رێن ئاهه‌نگێ بن.

 ئه‌ڤ ئاهه‌نگه‌ ل ئێڤاریا رۆژا ئه‌ینیێ ل ده‌مژمیێر 8:30 ب ده‌مێ هه‌ولێرێ بهێته‌ كرن و تاكو دره‌نگیێن شه‌ڤ به‌رده‌وام بیت.

یاریێن ئۆلمپیاتێن پاریس سباهى 26هه‌یڤا 7 ده‌ستپێدكه‌ت و تا 11ی تەباخێ دێ به‌رده‌وام بن.

 

 

زێدەتر دەربارەی