مێركاتۆیا یانه‌یێن ئه‌ورۆپی به‌رده‌وامه
بەلاڤ بکە
گاڤ
ژبۆ خۆ ئاماده‌كرن و بهێزكرنا رێزێن خۆ بۆ وه‌رزێ نوى یانه‌یێن هه‌ر پێنچ خولێن مەزن یێن ئۆرۆپا به‌رده‌وامن د كرین و فرۆشتنا یاریكه‌ران دا.
دانى ئۆلمۆ دیارترین یاریكه‌رێ مێركاتۆیێ یه، تایبه‌ت پشتى دگه‌ل هه‌لبژارتییێ خۆ یێ ئسپانیا شیای ناسناڤئ یۆرۆیا 2024 بده‌ستڤه‌بینیت ژ بەر هندێ كۆمه‌كا یانه‌یێن زلهێزێن ئۆرۆپی دڤێن گرێبه‌ستێ ل گه‌ل وی یاریكه‌رى ئیمزاكه‌ن، ژ یانه‌یێن هه‌ره گرنگ كو بزاڤا گرێبه‌ستكرنێ لگه‌ل یاریزانێ ماتادۆر دكه‌ن یانه‌یێن به‌رشه‌لۆنا و مانچسته‌ر سیتى نە.
ژلایه‌كێ دیڤه جۆلیان ئه‌لڤارێزێ ئه‌رجه‌نتینى و ستێرا یانەیا ماسچستەر ستی لبەرە رێزێن یانه‌یێ بجهبهێلیت و تا نوكه نه‌هاتیه زانین یانه‌یا وى یا داهاتى دێ كیژك بیت.
جیمس رودریگز یێ كۆلۆمبى كو هەڤبەستا خۆ لگەل یانه‌یا ساوپاولو یابەرازیلی هەلوەشاندییە نوکە یانه‌یا لازیۆ پێكۆلا بده‌ستڤه‌ئینانا وى دكه‌ت.
هەروەسا جاراد برانسۆت یانه‌یا خۆ یا ئێفرتۆن كرییه دره‌وشه‌كا ب زه‌حمه‌ت دا، به‌رگریكارێ ئینگلیزى داخازا مووچه‌یه‌كێ حه‌فتیانه ب كوژمێ 160هزار پاوه‌ندا دكه‌ت، و ئه‌گه‌ر ئه‌و پاره پێ نه‌هاته دان دێ جیته رێزین یانەیا مانشستەر یۆنایتد کو ب شه‌یتانێن سۆر ناسیارە .
خانما پیر یۆڤانتۆس بزاڤێ دكه‌ت ب رێكا فرۆتنا یاریزانه‌كێ خۆ پاره‌یان قازانج بكه‌ت، یانه‌یا یۆڤانتۆس رێكه‌ڤتیه یاریكه‌رێ ئیتالى كیێزا بفرۆشیت و پاره‌یێ وى دگرێبه‌سته‌كا دى دا خەر‌ج بكه‌ت، كیێزا ل وه‌رزێ بورى ل گه‌ل یانه‌یا ئیتالى پشكدارى 37 یاریان بوویه 10 گۆل تۆمار كرینه و 3 گۆل ژى دروست كرینه.
