گاڤ

"هه‌ر چه‌نده‌ وه‌به‌رهێنان د كه‌رتێ په‌له‌وه‌ران دا ل ئیراقێ پێشڤه‌چوویه‌ و به‌رهه‌مێ ناڤخۆ یێ په‌له‌وه‌ران دگه‌هیته‌ 200 هزار ته‌نان، لێ  ژبه‌ركو سالانه‌ ئیراقى ملیۆنه‌ك ته‌نێن گۆشتێ مریشكان یان نیڤ ملیار مریشكان دخۆن و به‌رهه‌مێ ناڤخۆ تێرا ناكه‌ت، 800 هزار ته‌ن ژ ده‌رڤه‌ ژى دهێنه‌ هاورده‌كرن".

شاره‌زایێ ئابۆرى یێ ئیراقى نه‌بیل مه‌رسومى دا زانین، ده‌لیڤه‌یه‌كا مه‌زن یا وه‌به‌رهێنانێ د كه‌رتێ په‌له‌وه‌ران دا ل ئیراقێ هاتییه‌ پێش و سالانه‌ 200 هزار ته‌نێن مریشكان ل ئیراقێ دهێنه‌ به‌رهه‌مئینان.

مه‌رسوومى گۆت ژى، به‌رهه‌مێ ناڤخۆ ب چاڤ خوارنا مریشكان ژ لایێ ئیراقییان ڤه‌ كێمه‌ و تێرا ناكه‌ت و دا زانین، سالانه‌ ئیراقێ پێدڤى ب ملیۆنه‌ك ته‌نێن مریشكان هه‌یه ژبه‌ر ڤێ ئێكێ 800 همار ته‌ن دهێنه‌ هاورده‌كرن. گۆت ژى پتریا به‌رهه‌مێ گۆشتى مریشكان یێ هاورده‌كرى ژ وه‌لاتێن تركیا، به‌رازیل و ئیرانێ دهێت.

وى شاره‌زایێ ئابۆرى دا زانین ژى، سالانه‌ ئیراقى نیڤ ملیار مریشكان دخۆن، واته‌ هه‌ر تاكه‌كێ ئیراقى هه‌یڤێ مریشكه‌كێ دخۆت.