ئەو راهێنەرێ جاما ئاسیا بۆ ئیراقێ بری، دبیتە راهێنەرێ یانەیەکا کوردستانێ
07/29/2024 - 12:42
گاڤ
یانەیا نەورۆز کو یانەیەکا هەرێما کوردستانێ یە، راگەهاند: وان گرێبەست ل گەل راهێنەرەکێ بیانی کرییە کو ئەڤ سالە راهێنەرییا وێ یانەیێ بکەت.
یانەیا نەورۆز گرێبەست ل گەل جورفان ڤیێرا، راهێنەرێ بەرازیلی گرێدا. ڤیێرا ئەو راهێنەر بوو یێ ل سالا 2007ێ ب راهێنەرییا هەلبژارتییێ ئیراقێ شیای ببیتە هەلگرێ جاما ئاسیا.
ڤیێرا ئەڤرۆ گەهشتییە سلێمانییێ و د هەڤڕکییێن ئەڤ سالە دا دێ بزاڤان کەت یانەیا نەورۆز ببەتە رێزێن پێشییێ ژ خۆلا ستێرێن ئیراقێ.