گاڤ – تایبەت

ئەندامەکێ لژنەیا دارایی ل پەرلەمانێ ئیراقێ راگەهاند: ئیراق ل دەستپێکا مەها بهێت دێ مووچەیان هنێریت.

د. خەلیل غازی، ئەندامێ لژنەیا دارایی ل پەرلەمانێ ئیراقێ ئەڤرۆ ل گەل رێڤەبەرێ گشتی یێ ژمێریاری ل وەزارەتا دارایی یا ئیراقێ ب ئامادەبوونا مەسعوود حەیدەر، بریکارێ وەزارەتا دارایی کۆم بوو و پشتی کۆمبوونێ بۆ گاڤ گۆت: کێشەیا مووچەی چارەبوویە و ل دەستپێکا مەها بهێت دێ دەست ب هنارتنا مووچەیێن تیرمەهێ هێتە کرن.

د. خەلیل غازی هەروەسا دبێژیت: وان بەرپرسێن ئیراقی گۆتییە: ڤێ مەهێ چ کێشە د مووچەیێن فەرمانبەرێن شارستانی و یێن هێزێن ئێمناهییێ یێن هەرێما کوردستانێ دا نینن و ل دەستپێکا مەها بهێت، دێ بەغدا پارەیان هنێریت.