ژ پاریسێ بۆ تههرانێ
بەلاڤ بکە
لهیلا عهبدولجهبار ئاكرهیی
پشتى سهرەدانێن سهركهفتیانه یێن نێچیرڤان بارزانى، سهرۆكێ ههرێما كوردستانێ بۆ ئیرانێ، د ماوهیێ بوورى دا كو كارتێكرن ل سهر گۆهۆرین و ههڤسهنگییا هێزێ د پهیوهندیێن ههولێر و تههرانێ دا كری، جارهكا دى سهرۆكێ ههرێما كوردستانێ، ب فهرمى بۆ تههرانێ هاتییه داخوازكرن، وهكو ههمى سهرۆكێن پشكدار د مهراسیما سویندخوارنا سهرۆكێ ئیرانێ دا دێ ب فهرمى دێ ل تههرانێ بیت.
دهركهفتنا سهرۆكێ ههرێما كوردستانێ ل فرهنسا، ل گهل سهرۆكێ فرهنسا، رویدانهكا سیاسى یا مهزنبوو، راسته بابهت وهرزشى بۆ، لێ دهركهفتنا سهرۆكێ ههرێما كوردستانێ وهكو سهرۆكێن جیهانێ ب وێ پێشوازییا گهرم ژلایێ سهرۆكێ فرهنسا ڤه، ئهڤه رویدانهكە کو دبیته بابهتێ دپلۆماسى و سیاسى ژى، چاڤێ فرهنسا یێ پاشهرۆژێ پتر گرنگى دانه ب پێگههێ ههرێما كوردستانێ ئهو ژى ب رێكا كارێكتهرێ بهێز و دپلۆماسى یێ نێچیرڤان بارزانى.
دخوازكرنا سهرۆكێ ههرێما كوردستانێ بۆ تههرانێ ب شێوهیێ فهرمى وهكو ههمى سهرۆكێن دى، دوباره پهیاماكا ئاشكرایه بۆ وان پهیوهندیێن بهێز یێن د ناڤبهرا تههرانێ و ههرێما كوردستانێ دا ب رێكا كارێكتهرێ بهێز وهكو سهرۆكێ ههرێمێ، رۆژ بۆ رۆژێ پێگههێ ههرێمێ ل دهڤهرێ دێ بهرهڤ سهقامگیری و دپلۆماسیهكا باشتر چیت.
