دۆنالد تره‌مپ: ببمه سه‌رۆك مافێ ره‌گه‌زنامه‌یا ژ دایكبوونێ ناهێلم
بەلاڤ بکە
گاڤ
دۆنالد تره‌مپ، به‌ربژارێ كۆمارییان بۆ سه‌رۆكاتیا ئه‌مریكا د گرته ڤیدیۆیه‌كێ دا كو ل هه یڤا گولانا سالا 2023 به‌لاڤ بوییه، تره‌مپ دبێژیت ئه‌گه‌ر ببمه سه‌رۆكێ ئه‌مریكایێ ئێكه‌مین كارێ بكه‌م نه‌هێلانا یاسایا ره‌گه‌زنامه‌یا ژ دایكبوونێ یه.
دۆنالد ترمپ، سه‌رۆكێ به‌رێ یێ ئه‌مریكا و به‌ربژارێ نها بۆ سه‌رۆكاتیا ئه‌مریكا د ده‌مێ بانگه‌شه‌یا هه‌لبژارتنان ل 5ى گولانا سالا2023هاتیه به‌لاڤكرن، سوزێ د ده‌ته جه‌ماوه‌رێ خۆ، ئه‌گه‌ر د هه‌لبژارتنان دا سه‌ركه‌ڤتنێ ب ده‌سته‌ڤه‌بینیت، ره‌گه‌زنامه‌یا ژ دایكبوونێ ل ئه‌مریكایێ دێ هه‌لوه‌شینیت.
ئاماژه دایه هندێ د ئێكه‌مین رۆژا ده‌ستبكاربوونا خۆدا دێ وێ بریارێ بجهئینیت، هه‌ر زارۆكه‌ك ژ دایك ببیت و ده‌یك و بابێن وى ره‌گه‌زنامه‌یا ئه‌مریكى نه‌بیت، یان كوچبه‌ر بن، ل وى ده‌مى ره‌گه‌زنامه پێ ناهێته دان و وه‌ك وه‌لاتیه‌كێ ئه‌مریكى ناهێته دیتن.
تره‌مپ دبێژیت نوكه ل ئه‌مریكا ئه‌گه‌ر ده‌یك و باب وه‌لاتیێن ئه‌مریكى نه‌بن، یان په‌نه‌به‌رێن نه‌یاسایى بن، ل ده‌مێ ژ دایكبوونا زارۆكى ره‌گه‌زنامه ب وى زارۆكى دهێته‌دان، ئه‌ڤه‌ژى ئه‌گه‌ره‌كه كو وه‌لاتى ژ وه‌لاتێن دیتر كۆچبه‌رى ئه‌مریكا ببن.
عومه‌ر جادوت، ژ نڤیسینگه‌ها پارێزه‌رێن دۆنالد تره‌مپی راگه‌هاند: ده‌قێ یاسایا نوى یا تره‌مپی بڤى شێوه‌ییه، لایه‌نێ كێم دڤێت ئێك ژ ده‌یك و بابان هاولاتیێ ئه‌مریكى بیت و ب یاسایی ل ئه‌مریكایێ هاتبیته ئاكنجیكرن، ل وى ده‌مى زارۆك دێ بیته خودان ره‌گه‌زنامه‌یا ئه‌مریكى.
بریارا تره‌مپى تنێ پرسا زارۆكێن نه‌یاسایی ناگریت، لێ دایك بوویێن گه‌شتیاران ژى قه‌ده‌غه دكه‌ت.
سه‌نته‌رێ ڤه‌كۆلینێن كۆچبه‌ران كو گرۆپه‌كێ دژى كۆچبه‌رانه، دیاركرییه، سالانه 400 هزار زارۆك ژ دایك وبابێن بێ به‌لگه‌نامه و كۆچبه‌ران و ب هزاران زارۆك ژى ژ ئه‌نجامێ گه‌شتكرنێ ل ئه‌مریكا ژ دایك دبن.
دۆنالد تره‌مپ ل ده‌مێ بۆ ئێكه‌مین جار ل سالا 2015 بۆ سه‌رۆكاتیا ئه‌مریكایێ هاتبوو كاندیكرن، ئێك ژپرۆژه‌یێن وى ب دوماهیئینانا مافێ ره‌گه‌زنامه‌یا ژ دایكبوونێ بوو، لێ بریار نه‌هاته بجهئینان.
