نێچیرڤان بارزانی مرۆڤایهتییێ ئاڤا دکەت
شیمال جەبار
وهلاتییێن هەرێما کوردستانێ د ڤێ قووناغا ژ نوى پێناسەکرنا جڤاکێ دا؛ بۆچوون و نێڕینا خۆ یا تازە هەیە، سیاسەت و ئابۆری و گوهۆرینێن نوى بووینە ئەگەر کو هێزێن سیاسی خۆ ل گەل جڤاکێ ب گونجینن. سەرۆکێ هەرێما کوردستانێ ل گۆرەی پێناسەیا دەولەتمەدار ب ستانداردەکا جیهانی؛ ئانکو ئەو کارێن مەزن بۆ بەرژەوەندییا هەرێمێ ئەنجام ددەت، لەوا رامانا دەولەتمەدار وی کارەکتەری دگەهینیت کو ل سەرڤەی بەرژەوەندییا هەر حزبەکێ یه ئانكو بەرژەوەندییا وەلاتی دپارێزیت، و لدەمێ تەنگاڤى و قەیرانان ژی نەخشەڕێیا سەرکەفتنێ ل جەم وی یە، چونکی هەمى هێزێن سیاسی د بەرژەوەندییا هەرێمێ دا دگەهینیتە ئێک و کۆمڤە دکەت.
دەولەتمەدار هزرێ دنڤشێن بهێن دا دکەت، ئەو کەسەکێ گەشبینە و د رێکا بزاڤا خۆ یا سیاسی دا، قەیرانان چارە دکەت، هاریکار و پشتەڤانێ کەسێن دەستەبژێر و هزرمەندە. هەر گاڤ سەخمەراتی بەرژەوەندییێن هەرێما کوردستانێ دخەبتیت، دەولەتمەدار ب هزرێن خۆ یێن بەرفرەهـ و نەخشەرێکا سەرکەفتنێ، هەمییان دئینیتە سەر رێكا بەڕەڤانیکرنێ ژ گەل و وەلاتی.
دەولەتمەدار کەسەکێ دویربینە و خودان گاڤێن ستراتیژییە، ئەو ب شەهرەزایی و زانابوون شکەستنێ ب سەرکەفتنان دگوهۆریت و لدویڤ پرۆژهیێن ستراتیژى دگەڕیت و پویتەی ب پرسێن رەوشەنبیری و دادپەروەری و میدیایی و دیمۆکراسی و رایا گشتی ددەت.
دەولەتمەدار نێچیرڤان بارزانی مرۆڤایهتییێ ئاڤا دکەت، ئەو درز و ژێکڤەقەتیانێ د ناڤبەرا هێزێن سیاسی دا ناهێلیت. ل گۆرەی هەلسەنگاندنێن نێڤدەولەتی بۆ دیتن و روئیا و گاڤێن لۆژیکی یێن سەرۆکێ هەرێمێ؛ نێچیرڤان بارزانی ئەو کەس و کارێزمایە دکاریت ڤان نەخشەڕێکان لسەر جوگرافیا و قادا پراکتیکی دا بنەجهــ بکەت.