سەرۆک نێچیرڤان بارزانی سەرۆککۆمارێ ئیرانێ داخوازکرە هەولێرێ
بەلاڤ بکە
گاڤ
ل گۆرەی بەیانەکا سەرۆکاتیا هەرێما کوردستانێ، سەرۆک نێچیرڤان بارزانی د کۆمبوونا ئەڤرۆ دا مەسعوود پزیشکیان، سەرۆککۆمارێ ئیرانێ داخوازکرە هەولێرێ پشتی سەرەدانا وی یا چاڤەرێکری بۆ بەغدا.
د بەیانا سەرۆکاتیا هەرێما کوردستانێ دا هاتیە، سەرۆککۆمارێ ئیرانێ سوپاسیا پشکداریا سەرۆک نێچیرڤان بارزانی و شاندێ ل گەل دا د رێورەسمێن سویندخوارن و دەستبکاربوونێ دا کر، هەروەسا دوپاتکر کو ئیران د هەموو بواران دا دخوازیت پەیوەندی و هاریکاریێن هەڤپشک ل گەل هەرێم و ئیراقێ پێشبێخیت.
ژ ئالیێ خۆڤە ژی سەرۆک نێچیرڤان بارزانی سوپاسیا داخوازنامەیا ئیرانێ کر و دوپاتکر کو هەرێم ئیرانێ ب جیرانەکا گرنگ دبینیت و کار دکەت بۆ پێشڤەبرنا پەیوەندیێن ئیراق و هەرێمێ ل گەل ئیرانێ، هەروەسا سەرۆک پزیشکیان داخوازکرە هەولێرێ پشتی سەرەدانا وی یا چاڤەرێکری بۆ بەغدا.
هەروەسا هاتیە، سەرۆک نێچیرڤان بارزانی دوپات ژی کر کو هەرێم دخوازیت رێژەیا گەشتیارێن ئیرانێ بۆ باشۆرێ ئیرانێ ب رێکا هەرێمێ زێدەتر بکەت و لهەڤگۆهارتنا بازرگانی یا هەردو ئالیان ژی بەرفرەهبکەت، هەروەسا دوپات ژی کر کو هەرێما کوردستانێ چ دەمان نابیتە ژێدەرێ گەفان بۆ ئیران و وەلاتێن جیران.
